Bhuleshwaracha Raja Mandal : नुकतीच मुंबईत ‘भुलेश्वरचा राजा’ मंडळाची गणेश मूर्ती कोसळून झालेल्या दुर्घेटनेत मंडळाच्या अध्यक्षांसह एकाच मृत्यू झाला. या घटनेने हळहळ व्यक्त केली जात आहे. मंडळाच्या अध्यक्षाचा अशा प्रकारे मृत्यूमुळे मंडळावर दुःखाचा डोंगर कोसळला आहे. मंडळातील कार्यकर्त्यांकडून दु:ख व्यक्त केले जात आहे. या दु:खद प्रसंगी मंडळाच्या मदतीसाठी लालबागचा राजा मंडळ धावून आले आहे.

या मंडळाकडून भुलेश्वरचा राजा गणेश मंडळाला आर्थिक मदत देण्याचे जाहीर करण्यात आले. त्यानुसार भुलेश्वरचा राजा गणेशोत्सव मंडळाला लालबागचा राजा मंडळाकडून ११ लाख रुपयांची मदत दिली जाणार आहे. तर या घटनेत मृत्यूमुखी पडलेल्या दोघांच्या कुटुंबियांना प्रत्येकी पाच लाख रुपयांची मदत जाहीर करण्यात आली आहे. अशातच भाजप नेते आणि मंत्री आशिष शेलार यांनीही ‘भुलेश्वरचा राजा’ दुर्घटनेत मृत्यू आणि जखमी झालेल्यांच्या कुटुंबियांना व्यक्तिगत आर्थिक मदत जाहीर केली आहे.

आशिष शेलार काय म्हणाले? 

त्यानुसार आशिष शेलार यांच्याकडून मृतांना प्रत्येकी पाच लाख तर जखमींना प्रत्येकी एक लाख रुपयांची मदत जाहीर करण्यात आली आहे. या घटनेते मृत्यू झालेल्या कुटुंबियांची भेट घेतल्यानंतर त्यांनी माध्यमांसोबत संवाद साधताना ही मदत जाहीर केली आहे. आशिष शेलार म्हणाले “ही दुर्दैवी घटना आहे. यात आमचे दोन गणेशसेवक आपल्यातून निघून गेले. त्यांना मी आदरांजली देतो. जे जखमी आहेत ते लवकर बरे व्हावेत. त्यांच्या परिवारांना मी भेटलो. पोलिसांशी मी बोलो आहे. या मागच कारण काय आणि घटना कशी घडली याची चौकशी पोलीस करत आहेत.”

यावेळी बोलताना आशिष शेलार यांनी महत्वाचे आवाहनही केले आहे. ते म्हणाले “सगळ्यांना विनंती आहे कि सूचनांचं पालन केलं गेलं पाहिजे. आगनामनाच्या रस्त्यांवर तातडीने काम केलं पाहिजे. गणेशभक्त सगळे शोक करत आहेत. आज मी गणेश मूर्तीच्या उंचीवर भाष्य करणार नाही. सगळ्यांसोबत चर्चा करुन आम्ही या बाबत भाष्य करू.” असेही ते म्हणाले.

नेमकं काय घडलं होतं?

दक्षिण मुंबईतील भुलेश्वर परिसरात भुलेश्वरचा राजा गणेश मूर्तीचा आगमन सोहळा सुरू होता. यावेळी अचानक मिरवणूकीदरम्यान गणेश मुर्ती कोसळली. या दुर्दैवी घटनेत समोर जल्लोष करणारे अनेक जण दबले गेले. यात दोन जणांचा मृत्यू झाला. भुलेश्वरचा राजा गणेश मंडळाने यावर्षी २७ फुटांची गणेशमूर्ती बनवली होती. वेल्डिंग तुटल्याने ही घटना घडली. यात मंडळाचे अध्यक्ष संकेत नेवशे आणि ब्रिजेश जोशी यांचा उपचारादरम्यान मृत्यू झाला होता. या घटनेने पुन्हा एकदा मुंबईतील मूर्तींच्या उंचीबाबतचा प्रश्न ऐरणीवर आला आहे.

Mahakali Film: ‘महाकाली’च्या भूमिकेत दिसणार दिग्गज क्रिकेटपटूची लेक; फर्स्ट लुक समोर