Bandhu Film:  हिंदीपासून दाक्षिणात्य चित्रपटसृष्टीपर्यंत आपल्या अभिनयाने एक वेगळी ओळख निर्माण करणारा अभिनेता रजत बेदीची मराठी सिनेसृष्टीत एन्ट्री झाली आहे. आगामी ‘बंधू’ या मराठी चित्रपटाचे रजत  प्रस्तुतकर्ते आहेत.

दोन भावांच्या अतूट बंधाची आणि नात्यांच्या कसोटीची हृदयस्पर्शी कहाणी घेऊन ‘बंधू’ हा मराठी चित्रपट प्रेक्षकांच्या भेटीला येत आहे.

उपेंद्र लिमये आणि जितेंद्र जोशी पहिल्यांदाच एकत्र 

मराठी आणि विशेषतः भारतीय चित्रपटसृष्टीत नेहमीच वेगळ्या आणि आव्हानात्मक भूमिका वठविण्यात हातखंडा असलेले राष्ट्रीय पुरस्कार विजेते उपेंद्र लिमये आणि नामांकित इफ्फी विजेते जितेंद्र जोशी ‘बंधू’ चित्रपटाच्या निमित्ताने पहिल्यांदाच एकत्र दिसणार आहेत.

आपल्या सहज, वास्तववादी आणि प्रभावी अभिनयाने प्रेक्षकांच्या मनावर अधिराज्य गाजवणारी ही जोडी ‘बंधू’ मधून एका वेगळ्या आणि भावनिक नात्याची कहाणी मोठ्या पडद्यावर साकारताना दिसणार आहे.

 

View this post on Instagram

 

रजत बेदी प्रस्तुत जे एस् डी स्टुडिओ आणि ट्राईफ्लिक्स एंटरटेंमेंट यांच्या सहकार्याने ‘बंधू’ हा चित्रपट येत्या २० नोव्हेंबरला मोठ्या पडद्यावर प्रदर्शित होणार आहे. चित्रपटाची निर्मिती प्रणव देसाई, जुही देसाई, कुलदीप सुनील ओझा यांनी केली आहे.

दिग्दर्शक नितीन सिंधूविजय सुपेकर यांनी ‘बंधू’ चित्रपटाच्या लेखन, संवाद आणि दिग्दर्शनाची धुरा सांभाळली आहे. त्याचबरोबर जनमाणसात लोकप्रिय होऊ पाहणाऱ्या ‘बंधू’ च्या संगीताची आणि पार्श्वसंगीताची जबाबदारी विजय नारायण गवंडे यांनी सांभाळली आही.

रजत बेदी यांच्या कामबद्दल बोलायचे झाले तर, हृतिक रोशनच्या ‘कोई मिल गया’मधील भूमिकेमुळे त्यांना मोठ्या प्रमाणावर ओळख मिळाली. यानंतर ‘जोडी नंबर १’, ‘द हिरो: लव्ह स्टोरी ऑफ अ स्पाय’, ‘रक्त’, ‘अक्सर’, ‘पार्टनर’ यांसारख्या चित्रपटांमध्ये त्यांनी काम केले.

तमिळ, तेलुगू, कन्नड आणि पंजाबी चित्रपटांमध्येही रजत बेदी यांनी काम केलं आहे. नुकतेच शाहरुख खानचा मुलगा आर्यन खान दिग्दर्शित ‘Bads of Bollywood’ या मालिकेतून त्यांनी अभिनय क्षेत्रात कमबॅक केलं आहे.

हेही वाचा: 

Harshwardhan Sapkal: “पंकजा मुंडेंना मुख्यमंत्री करून दाखवावे”; हर्षवर्धन सपकाळांचे फडणवीसांना चॅलेंज