Aashram 4 :  दिग्दर्शक प्रकाश झा यांच्या ‘आश्रम ४’ मधून बॉलिवूड अभिनेता बॉबी देओल पुन्हा एकदा प्रेक्षकांच्या भेटीला येण्यासाठी सज्ज झाला आहे. या बहुप्रतीक्षित सीरिजच्या शूटिंगला सुरुवात झाली आहे. अशातच आता या सीझनच्या चौथ्या भागाबद्दल एक महत्वाची अपडेट समोर आली आहे.

या बहुप्रतीक्षित चित्रपटात अभिनेता अक्षय ओबेरॉयची एन्ट्री झाली आहे. अक्षयच्या भूमिकेबद्दल अद्याप फारशी माहिती समोर आलेली नाही. परंतु या चौथ्या सीझनमध्ये तो एक महत्वपूर्ण भूमिकेत झळकणार आहे.

माध्यमांशी बोलताना अक्षय ओबेरॉयने सांगितले की, “‘आश्रम’सारख्या प्रोजेक्टचा भाग होणं माझ्यासाठी खूप खास आहे. या सीरिजने गेल्या काही वर्षांत एक वेगळाच चाहतावर्ग निर्माण केला आहे. प्रकाश झा सरांची कथा सांगण्याची एक अनोखी पद्धत आहे. ही भूमिका माझ्यासाठी खूप आव्हानात्मक आहे आणि म्हणूनच या प्रकल्पाचा भाग होण्यासाठी मी खूप उत्सुक आहे.”

दरम्यान, अक्षयने चित्रपट आणि OTT वर सातत्याने वेगवेगळ्या प्रकारच्या भूमिका साकारल्या आहेत. ‘टॉक्सिक’ आणि ‘लव्ह लॉटरी’ यांसारख्या त्याच्या अलीकडील प्रोजेक्ट्समध्येही त्याच्या अभिनयाचे वेगवेगळे रंग पाहायला मिळाले आहेत. अशा परिस्थितीत ‘आश्रम’च्या जगात त्याची झालेली एन्ट्री प्रेक्षकांना त्याच्या अभिनयाचा आणखी एक नवीन पैलू पाहण्याची संधी देईल.  Aashram 4

‘आश्रम ४’ बॉबी देओल पुन्हा एकदा बाबा निरालाच्या भूमिकेत दिसणार आहे. तर अदिती पोहनकर पुन्हा पम्मीच्या भूमिकेत दिसणार असून चंदन रॉय सन्याल भोपा स्वामीच्या भूमिकेत परतणार आहे. याशिवाय दर्शन कुमार, अनुप्रिया गोएंका, ईशा गुप्ता, अध्ययन सुमन आणि त्रिधा चौधरी हे कलाकारही आपल्या भूमिकांमध्ये दिसण्याची शक्यता आहे.

या चौथ्या सीझनच्या चित्रीकरणाला सुरूवात झाली असून, अक्षय ओबेरॉय स्टारकास्टमध्ये सामील झाल्यामुळे आणि शूटिंग सुरू झाल्यामुळे प्रेक्षकांची ‘आश्रम ४’बद्दलची उत्सुकता आणखी वाढली आहे. या सीरिजची कथा धार्मिक बुरखा घेऊन लोकांना अंद्धश्रद्धेच्या जाळ्यात ओढणाऱ्या ढोंगीबाबाची आहे. यात आता आणखी काय ट्विस्ट पाहायला मिळणार याची अनेकांना उत्सुकता लागली आहे. Aashram 4

हेही वाचा: 

Top 10 News : ‘राष्ट्रवादी कोणाची?’ पासून ते महिला आशिया कपमध्ये भारताची विजयी सलामीपर्यंतच्या वाचा टॉप १० बातम्या