Khandala Taluka – खंडाळा तालुक्यातील विविध गावांमध्ये विकास कामांसाठी मंत्री जयकुमार गोरे यांच्या प्रयत्नामुळे तब्बल सात कोटी सात लाखांचा निधी मंजूर करण्यात आला आहे. श्री संत ज्ञानेश्वर महाराज पालखी सोहळ्याच्या निमित्ताने होणार्‍या कामासाठी सदरचा निधी मंजूर केला असल्याची माहिती जिल्हा परिषदेचे समाजकल्याण सभापती ऋषिकेश धायगुडे पाटील यांनी आली. या निधीतून पाडेगाव येथे नीरा नदीकाठी घाट बांधण्यासाठी दोन कोटी, नदीकाठी दशक्रिया चौथरा, अग्निकुंड बांधण्यासाठी वीस लाख,

नदीकाठी बंदिस्त आरसीसी गटार व सांडपाणी बांधकाम प्रकल्पासाठी 50 लाख, नदीकाठी काँक्रिटीकरण करण्यासाठी 50 लाख, नदीकाठी लाईट व्यवस्थेसाठी 25 लाख, पाडेगाव येथे जलशुद्धीकरण प्रकल्पाकडे जाणार्‍या रस्त्यालगत संरक्षण भिंत बांधणे व दत्त घाटाकडून सुलभ शौचालयाकडे जाणारा रस्ता करण्यासाठी 35 लाख, पाडेगाव येथे वारकरी निवासस्थान व इतर सोयीसुविधांसाठी 25 लाख, वारकर्‍यांसाठी विद्युत व्यवस्था करण्याकरिता पाच लाख, प्ररामा 15 ते शेळके वस्ती पिंपरे व जिल्हा हद्द रस्ता यासाठी 75 लाख रुपये,

लोणंद ते कोरेगाव अप्रोच रस्त्यासाठी 30 लाख, राज्यमार्ग 117 ते बाळूपाटलाची वाडी, धायगुडे मळा, चव्हाणवस्ती रस्त्यासाठी 50 लाख, राज्यमार्ग 117 ते यादव वस्ती बाळू पाटलाचीवाडीसाठी 50 लाख, इ.जि.मा. ते चव्हाण वस्ती, घाडगे वस्ती ते सोटाचा मळा रस्त्यासाठी 50 लाख, परखंडे वस्ती पाडेगाव नवीन जोड रस्तासाठी 40 लाख, गिरमे मळा रस्त्यासाठी 40 लाख,

मरीआईचीवाडी ते बाळूपाटलाची वाडीसाठी 85 लाख, इ.जि.मा. 6 ते कवटीचा मळा ते ग्रामीण मार्ग 64 या रस्त्यासाठी 75 लाख असा एकूण सात कोटी सात लाख रुपयांचा निधी मंजूर करण्यात आला आहे. जिल्हा परिषदेचे समाज कल्याण सभापती ऋषिकेश धायगुडे पाटील, खंडाळा पंचायत समितीचे सदस्य अतुल पवार, अर्चना यादव व भाजप पदाधिकार्‍यांकडून मंत्री जयकुमार गोरे यांचे अभिनंदन करण्यात आले.