Khalil Ahmed four wicket haul dominate England Lions : इंडिया अ आणि इंग्लंड लायन्स यांच्यातील दुसऱ्या अनधिकृत कसोटी सामन्याच्या तिसऱ्या दिवशी, भारतीय गोलंदाजांनी शानदार कामगिरी केली. विशेषतः डावखुरा वेगवान गोलंदाज खलील अहमदने कहर केला आणि इंग्लंड लायन्सच्या फलंदाजीचा कणा मोडला. दुपारच्या जेवणापर्यंत इंग्लंडच्या संघाने आठ विकेट गमावून २६६ धावा केल्या होत्या आणि ते अजूनही इंडिया अ च्या पहिल्या डावातील ३४८ धावांपेक्षा ८२ धावांनी मागे आहेत.

सकाळचे सत्र इंग्लंडसाठी ठरले डोकेदुखी –

इंग्लंड लायन्सने दिवसाची सुरुवात ३ बाद १९२ धावांवर केली. पण सकाळच्या सत्रात त्यांनी फक्त १० धावांत चार विकेट्स गमावल्या. त्याआधी, जॉर्डन कॉक्स (४५) ने काही चांगले फटके मारले, परंतु खलील अहमदने त्याला यष्टीरक्षक ध्रुव जुरेलकडून झेलबाद करत त्याला अर्धशतक पूर्ण करु दिले नाही.त्यानंतर खलीलने त्याच्या पुढच्या षटकात कर्णधार जेम्स रेव्ह (१०) ला करुण नायरकडून झेलबाद केले आणि पुढच्याच चेंडूवर जॉर्ज हिल (०) ला यॉर्करने बाद केले. खलील इथेच थांबला नाही. त्याने पुढच्याच षटकात ख्रिस वोक्स (५) लाही यष्टीरक्षकाच्या हाती झेलबाद केले.

तुषार देशपांडेची लाभली साथ –

🚨 Toss Update 🚨

England Lions elect to bowl against India A in the 2nd first-class match in Northampton.

Follow all the live updates here ▶️ https://t.co/T1h4bW4pPJ#TeamIndia pic.twitter.com/BpUAh3LUzO

— BCCI (@BCCI) June 6, 2025

वेगवान गोलंदाज तुषार देशपांडेने पण शानदार गोलंदाजी केली आणि ६२ धावांत दोन विकेट्स घेतल्या. त्याने मॅक्स होल्डन (७) ला बाद करून इंग्लंडच्या अडचणीत आणखी वाढ केली. एका टोकावरून सतत विकेट्स पडल्यानंतर, फरहान अहमद (१२ धावा) आणि जोश टोंग (१४ धावा) यांनी सावधगिरी बाळगली आणि दुपारच्या जेवणापर्यंत संघाला आणखी धक्का बसू दिला नाही. दिवसाचा खेळ संपेपर्यंत, खलील अहमदने १७ षटकांत ५५ धावा देत चार विकेट्स घेतल्या. त्याच्या अचूक आणि स्विंग गोलंदाजीने इंग्लिश फलंदाजांना घाम फोडला.

हेही वाचा – Edin Rose : ‘मी त्याच्या मुलांची आई….’, श्रेयस अय्यरबद्दल ‘या’ अभिनेत्री केलं खळबळजनक वक्तव्य, पाहा VIDEO

तिसऱ्या दिवसाच्या खेळाच्या वेळी भारत अ संघ दुपारच्या जेवणाच्या वेळी मजबूत स्थितीत आहे. इंग्लंड लायन्स अजूनही ८२ धावांनी मागे आहे आणि त्यांच्याकडे फक्त दोन विकेट शिल्लक आहेत. अशा परिस्थितीत, भारत अ संघाकडे पहिल्या डावात मोठी आघाडी घेण्याची उत्तम संधी आहे. या सामन्याच्या मध्यात, भारतीय संघ इंग्लंडमध्ये पोहोचला आहे आणि सराव सुरू केला आहे.