Karad News : कराड येथील पोलीस उपअधीक्षक कार्यालयाचे विशेष पथक आणि शहर पोलीस ठाण्याच्या पथकाने छापा टाकून तब्बल चार लाख रुपये किमतीचा 14 किलो गांजा जप्त (Karad News) केला. सैदापूर (ता. कराड) येथील कॅनॉल परिसरात सोमवारी रात्री ही कारवाई करण्यात आली.

याप्रकरणी गोरख जिजाबा पवार (रा. वडोली निळेश्वर, ता. कराड, सध्या रा. एसजीएम कॉलेजमागे, साई हाइट्स, प्रथमेश कॉलनी, विद्यानगर, सैदापूर) याला पोलिसांनी अटक केली आहे. जिल्ह्यात अंमली पदार्थविरोधी मोहीम अधिक प्रभावी करण्याबाबत (Karad News) पोलीस अधीक्षक निखिल पिंगळे, अप्पर अधीक्षक वैशाली कडूकर यांनी सूचना दिल्या आहेत.

त्यानुसार कराडच्या (Karad News) पोलीस उपअधीक्षक राजश्री पाटील यांनी अधिकार्‍यांना अंमली पदार्थांबाबत विशेष कारवाई करण्याबाबत सूचित केले होते. सैदापूर येथे कॅनॉल परिसरात एक जण गांजा विक्रीसाठी येणार असल्याची माहिती राजश्री पाटील यांना सोमवारी रात्री मिळाली. त्यानुसारसहाय्यक पोलीस निरीक्षक अशोक भापकर यांच्या नेतृत्वाखाली हवालदार असिफ जमादार, प्रवीण पवार, सागर बर्गे, दीपक कोळी, मयूर देशमुख, हर्षल साळुंखे, महेश शिंदे व महेश पवार यांच्या पथकाने सापळा रचला.

कॅनॉल परिसरात गोरख पवार विक्री करण्याच्या उद्देशाने गांजाची वाहतूक करताना आढळून आला. पोलिसांनी त्याच्याकडून एक लाख 99 हजार 175 रुपये किमतीचा सहा किलो गांजा तसेच दुचाकी जप्त केली. याबाबत हवालदार सागर बर्गे यांनी कराड शहर पोलीस ठाण्यात फिर्याद दाखल केली.

सहाय्यक पोलीस निरीक्षक अशोक भापकर यांच्यासह उपअधीक्षक कार्यालयाच्या विशेष पथकाने संशयिताकडे अधिक तपास केला असता त्याच्याकडे आणखी 2 लाख रुपये किमतीचा 8 किलो गांजा आढळून आला. तो जप्त करण्यात आला आहे. या गुन्ह्यात आणखी संशयितांना अटक होण्याची शक्यता पोलिसांनी व्यक्त केली आहे. सहाय्यक पोलीस निरीक्षक अशोक भापकर तपास करीत आहेत.