Kapil Sibal : ज्येष्ठ विधिज्ञ आणि राज्यसभेचे खासदार कपिल सिब्बल यांनी राजकीय पक्षांतर करणाऱ्या खासदार आणि आमदारांवर बंदी घालावी, असा प्रस्ताव दिला आहे. या प्रस्तावाचे तरुणांचे व्यासपीठ असलेल्या कॉकरोच जनता पार्टीने स्वागत केले असून, राष्ट्रीय संयोजक अभिजीत दिपके यांनी याला काळाची गरज म्हटले आहे. (Kapil Sibal)

केरळमधील कोची येथे हॉर्स ट्रेड अँड डेमाक्रसी (घोडेबाजार आणि लोकशाही) या विषयावर बोलताना सिब्बल यांनी संविधानाच्या दहाव्या सूचीमध्ये सुधारणा करण्याची मागणी केली होती. पक्षांच्या विलीनीकरणाचा फायदा घेऊन होणाऱ्या मोठ्या प्रमाणावरील पक्षांतरांचे मार्ग बंद करण्यासाठी कायद्यात बदल करणे आवश्यक असल्याचे त्यांनी नमूद केले. (Kapil Sibal)

सध्याच्या कायद्यानुसार, जर एखाद्या विधिमंडळ पक्षातील दोन-तृतियांश (२/३) सदस्यांनी दुसऱ्या पक्षात प्रवेश केला, तर त्याला विलीनीकरण मानले जाते आणि अशा पक्षांतरावर अपात्रतेची कारवाई होत नाही. या कायदेशीर पळवाटेचा गैरवापर करून राजकीय पक्षांची होणारी फोडाफोफ थांबवली पाहिजे, असे सिब्बल यांनी स्पष्ट केले. (Kapil Sibal)

कॉकरोच जनता पार्टीचे सह-संयोजक सौरभ दास यांनी कपिल सिब्बल यांच्या प्रस्तावाला पाठिंबा देत हा मुद्दा त्यांच्या पक्षाच्या पहिल्या मागण्यांच्या जाहीरनाम्याशी सुसंगत असल्याचे सांगितले. सिब्बल यांनी पक्षांतर करणाऱ्या नेत्यांवर १० वर्षांची बंदी घालण्याची मागणी केली आहे. (Kapil Sibal)

सीजेपीच्या जाहीरनाम्यातील पाचव्या मुद्द्याचा हवाला देत सौरभ दास म्हणाले की, आमच्या मते पक्षांतर करणाऱ्यांना २० वर्षे कोणतीही सार्वजनिक पदे भूषवण्यास किंवा निवडणूक लढवण्यास बंदी घालण्यात यावी. (Kapil Sibal)

तसेच, राजकीय पक्ष फोडणे, ५० ते १०० कोटी रुपयांची लाच देऊन सरकारे पाडणे हा देशाच्या पाठीत मारलेला खंजीर आणि जनतेशी केलेला विश्वासघात आहे, अशी तीव्र प्रतिक्रिया सीजेपीने दिली. (Kapil Sibal)

देशामध्ये सध्या तृणमूल काँग्रेस, आम आदमी पार्टी तसेच यापूर्वी महाराष्ट्रात शिव सेना आणि राष्ट्रवादी काँग्रेसमध्ये झालेल्या पक्षांतरांच्या पार्श्वभूमीवर पक्षांतर बंदी कायद्याचा मुद्दा पुन्हा ऐरणीवर आला आहे. (Kapil Sibal)

संविधानातील दहाव्या सूचीच्या तरतुदींचा राजकीय लाभासाठी कसा गैरवापर होतोय, यावर सध्या सर्व स्तरातून चर्चा सुरू असून, तरुणांच्या संघटनांनी याविरुद्ध आक्रमक भूमिका घेतली आहे. (Kapil Sibal)

Kapil Sibal : विद्यार्थ्यांना धमकावणे बंद करा; कपिल सिब्बल यांचा सरकारला कडक इशारा

Kapil Sibal : “मोदी सरकारसाठी राष्ट्र प्रथम नव्हे” – कपिल सिब्बल