Kangana Ranaut: भाजप खासदार आणि अभिनेत्री कंगना राणावत यांच्याविरुद्ध हिमाचल प्रदेशातील शिमला पोलिसांनी गुन्हा दाखल झाला आहे. गांधी कुटुंबाबाबत केलेल्या दिशाभूल विधानावर आक्षेप घेत कंगणा यांच्यावर एफआयआर नोंदवण्यात आली आहे.

कंगना राणावत यांनी 10 नोव्हेंबरला त्यांच्या अधिकृत ‘X’ खात्यावर गांधी कुटुंबाशी संबंधित एक जुना व्हिडीओ आणि काही पोस्ट शेअर केली होती. या पोस्टमध्ये इंदिरा गांधी, संजय गांधी आणि राजीव गांधी यांच्या मृत्यूंचा संदर्भ देत सोनिया गांधी यांच्या राजकीय प्रवासाबाबत विधान करण्यात आल्याचा तक्रारदाराचा आरोप आहे.

विशेष म्हणजे, सोनिया गांधी यांचा उल्लेख ‘रहस्यमय परदेशी नागरिक’ असा करण्यात आल्याचाही तक्रारीत दावा आहे. हिमाचल प्रदेशच्या शिमल्यातील रहिवासी आणि निवृत्त कॅप्टन अतुल शर्मा यांनी 12 नोव्हेंबर रोजी राज्याच्या पोलिस महासंचालकांकडे ई-मेलद्वारे तक्रार दाखल केली होती.

तक्रारदाराचे आरोप काय?  

संबंधित पोस्टमुळे समाजात गैरसमज निर्माण होऊ शकतात. तसेच सार्वजनिक शांतता आणि सामाजिक सलोख्याला बाधा पोहोचू शकते, अशी भूमिका त्यांनी मांडली. सोशल मीडियावरील पोस्टची सत्यता, संदर्भ आणि डिजिटल प्रसार यांची सायबर फॉरेन्सिक तपासणी करण्याची मागणीही त्यांनी केली. Kangana Ranaut

या तक्रारीच्या आधारे शिमला पोलिसांनी भारतीय न्याय संहिता (BNS), 2023 मधील कलम 196, 353 आणि 356 अंतर्गत गुन्हा दाखल केला आहे. ही कलमे विविध गटांमध्ये वैमनस्य निर्माण करणे, सार्वजनिक शांतता भंग करणारी किंवा अफवा पसरवणारी विधाने करणे आणि मानहानीशी संबंधित आहेत.

दरम्यान, गुन्हा दाखल झाल्यानंतर आता  सोशल मीडिया पोस्टची सत्यता आणि त्यातील मजकुराची कायदेशीर बाजू तपासली जात आहे. Kangana Ranaut

हेही वाचा:  

Stress Management: सतत टेन्शन घेण्याची सवय पडेल महागात! शरीरातील ‘या’ ३ अवयवांवर होतो परिणाम