Ajit Pawar : गेल्या काही दिवसांपूर्वी राज्याचे उपमुख्यमंत्री आणि पुणे जिल्ह्याचे पालकमंत्री अजित पवार यांनी पुण्यातील हिंजवडी भागातील समस्या जाणून घेतल्या. भल्या पहाटे त्यांनी हिंजवडीतील समस्यांची माहिती घेत त्या सोडविण्यासाठीच्या  उपायोजना करण्याच्या सूचना अधिकाऱ्यांना दिल्या होत्या.

त्यानंतर आज पुन्हा एकदा अजित पवार पुन्हा एकदा भल्या पहाटे पुण्यातील हिंजवडी भागात संबंधित काम सुरू झाली आहेत की नाही याची पाहणी करण्यासाठी आले होते. कामामध्ये येणाऱ्यावर 353 लावा म्हणत अधिकाऱ्यांना त्यांनी सूचना दिल्या, तर यावेळी अजित पवारांनी हिंजवडीच्या संरपंचाला देखील झापलं. याचा व्हिडीओ सोशल मीडियावर चांगलांच व्हायरल झाला आहे.

नेमकं काय घडलं? 

अजित पवार हिंजवडीत आल्यानंतर कामाची पाहणी करत असताना हिंजवडीचे सरपंच गणेश जांभुळकर यांनी त्यांच्याशी संवाद साधला. यावेळी अजित पवारांनी अहो असू द्या हो असू द्या हो साहेब, धरण करताना मंदिर जातातच की नाही. तुम्हाला सांगायचं ते सांगा मी ऐकून घेतो, पण मी काय करायचं तेच करतो, असे ते म्हणाले.

आपलं वाटोळं झालंय, हिंजवडीचं सगळं आयटी पार्क बाहेर चाललाय…माझ्या पुण्यातून महाराष्ट्रातून बाहेर…बेंगलोरला हैदराबादला…..काय तुम्हाला पडलं नाही….कशाला मी सहा वाजता पाहणी करायला येतो इथं, मला कळत नाही माझी माणसं नाहीत…हे केल्याशिवाय गत्यंतर नाही… असं म्हणत अजित पवार यांनी हिंजवडीच्या सरपंचाला झापलं आहे.

कडक शब्दांत निर्देश 

रस्ते वाहतूक कोंडी आणि इतर नागरी समस्यांबाबत अजित पवार पुन्हा एकदा आक्रमक झाल्याचे पाहायाला मिळाले. कामामध्ये कोणी येत असेल तर त्याच्यावर त्याला एकदा समजून सांगा नाहीतर, त्याच्यावर 353 लावा असे कडक शब्दांत त्यांनी अधिकाऱ्यांना निर्देश दिले आहेत.

अधिकाऱ्यांना धारेवर धरले

गेल्या काही दिवसांपूर्वी अजित पवार यांनी मेट्रो प्रशासनाला सुधारणा करण्याचे आदेश दिले होते. त्या सुधारणा करण्यात आल्या आहेत का नाही हे पाहण्यासाठी अजित पवार पुन्हा आले. त्यावेळी अधिकाऱ्यांना त्यांनी धारेवर धरल्याचे दिसले. यावेळी त्यांनी पुन्हा एकदा अधिकाऱ्यांना धारेवर धरत त्यांना खडेबोल सुनावले.