जेरुसलेम – इस्त्रायली मंत्रिमंडळ आज तेल अवीव येथील इस्रायल डिफेन्स फोर्सेस किरिया मुख्यालयात लेबनॉनशी युद्धविराम करारावर चर्चा करण्याच्या मुद्यावर विचार करणार आहे. इस्रायलचे पंतप्रधान बेंजामिन नेतन्याहू यांनी या योजनेला तत्त्वत: मान्यता दिली. नेतन्याहू यांनी काल रात्री इस्रायली अधिकाऱ्यांशी सुरक्षा सल्लामसलत करताना हिजबुल्लासह युद्धविरामासाठी त्यांच्या संभाव्य मंजुरीवर स्वाक्षरी केली आहे. इस्रायली मंत्रिमंडळ आज प्रस्तावित करारावर मतदान करेल आणि तो पास होण्याची अपेक्षा आहे, असे नेतन्याहूच्या प्रवक्त्याने सांगितले. तथापि, कराराच्या काही तपशिलांवर इस्रायल अजूनही सहमत नाही. त्या आणि इतर तपशीलांवर अद्याप वाटाघाटी सुरू आहेत आणि सर्व समस्यांचे निराकरण होईपर्यंत करार अंतिम होणार नाही. दरम्यान, इस्रायलचे राष्ट्रीय सुरक्षा मंत्री इटामार बेन गवीर यांनी या कराराला तीव्र विरोध दर्शवला आहे. ही एक मोठी चूक आणि हिजबुल्लाला नष्ट करण्याची ऐतिहासिक गमावलेली संधी असल्याचे म्हटले आहे. मात्र हॉचस्टीनची चर्चा रचनात्मक होती, असे काल, व्हाईट हाऊसचे राष्ट्रीय सुरक्षा प्रवक्ते जॉन किर्बी म्हणाले. दुसरीकडे लेबेनॉनची राजधानी बैरुतमध्ये इस्रायलन जोरदार रॉकेट मारा केला आहे. त्यामुळे युद्धबंदीबाबतच्या प्रस्तावाबाबत इस्रायल किती गंभीर आहे, याबाबत प्रश्नचिन्ह उपस्थित केले जाते आहे.
