Ishan Kishan Breaks Suryakumar Yadav Record Most T20I Runs In Calendar Year : भारत आणि न्यूझीलंड यांच्यातील पाच सामन्यांच्या टी-२० मालिकेतील शेवटच्या सामन्यात भारताचा स्फोटक यष्टिरक्षक फलंदाज इशान किशनने वादळी खेळीच्या जोरावर इतिहास रचला आहे. अवघ्या ३२ चेंडूंत ६१ धावांची धडाकेबाज खेळी करत त्याने भारताचा माजी टी-२० कर्णधार सूर्यकुमार यादव याचा मोठा जागतिक विक्रम मोडला. इशान किशनने आता एकाच वर्षात आंतरराष्ट्रीय टी-२० मध्ये भारताकडून सर्वाधिक धावा करण्याचा विक्रम आपल्या नावे केला आहे.

अवघ्या २८ चेंडूंत अर्धशतक; मैदानात चौफेर फटकेबाजी –

न्यूझीलंडविरुद्धच्या या मालिकेत पहिला सामना खेळल्यानंतर इशान तंदुरुस्तीच्या समस्येमुळे पुढील दोन सामने खेळू शकला नव्हता. चौथ्या लढतीत पुनरागमनानंतर त्याला मोठी खेळी करता आली नाही; मात्र पाचव्या सामन्यात त्याने ही कसर भरून काढली. दुसऱ्याच षटकात फलंदाजीला आलेल्या इशानने कर्णधार श्रेयस अय्यरसोबत शानदार भागीदारी करत अवघ्या २८ चेंडूंत आपले अर्धशतक पूर्ण केले. त्याने ३२ चेंडूंत ६१ धावांची महत्त्वपूर्ण खेळी साकारून न्यूझीलंडच्या गोलंदाजांवर दबाव निर्माण केला. सूर्याने २०२२ या कॅलेंडर वर्षात ११६४ धावा फटकावल्या होत्या. इशानने २०२६ या एकाच वर्षात आतापर्यंत तब्बल १२२० धावा कुटत अव्वल स्थान पटकावले आहे.

एका वर्षात सर्वाधिक धावा करणारे भारतीय फलंदाज:

• इशान किशन – १२२० धावा (वर्ष २०२६)
• सूर्यकुमार यादव – ११६४ धावा (वर्ष २०२२)
• अभिषेक शर्मा – ११५३ धावा (वर्ष २०२६)
• अभिषेक शर्मा – ८५९ धावा (वर्ष २०२५)
• संजू सॅमसन – ८१० धावा (वर्ष २०२६)

सर्वात जलद २००० आंतरराष्ट्रीय टी-२० धावा; रडारवर दिग्गज फलंदाज

Innings Break!

A collective batting effort helps #TeamIndia set a target of 1️⃣9️⃣2️⃣ 🙌

Over to our bowlers to defend this ⏳

Scorecard ▶️ https://t.co/B5TqF9MWu4

#NZvIND https://t.co/Jm4HhjFOHO

— BCCI (@BCCI) November 1, 2026

या वादळी खेळीदरम्यान इशान किशनने आंतरराष्ट्रीय टी-२० क्रिकेटमध्ये आपल्या २००० धावांचा टप्पाही पूर्ण केला. सर्वात कमी चेंडू खेळून २००० धावा करणारा तो भारताचा तिसरा सर्वात वेगवान फलंदाज बनला आहे. इशानने १३४५ चेंडूंत ही ऐतिहासिक कामगिरी नोंदवली. या यादीत अभिषेक शर्मा १०२४ चेंडूंसह पहिल्या तर सूर्यकुमार यादव ११६४ चेंडूंसह दुसऱ्या स्थानावर विराजमान आहे.

हेही वाचा – India Kabaddi Champions : आदित्यचा ‘सुपर-10’ अन् योगेशची अभेद्य भिंत! फायनलमध्ये प्रतिस्पर्ध्यांचे कंबरडे मोडले; भारताने जिंकला दुहेरी मुकुट

टीम इंडियात आपले स्थान केले भक्कम –

बीसीसीआयच्या करारातून बाहेर पडल्यानंतर आणि प्रदीर्घ काळ संघाबाहेर राहिल्यानंतर इशानने ज्या जिद्दीने पुनरागमन केले आहे, ते कौतुकास्पद ठरले आहे. अनेक सामने एकहाती जिंकवून देणाऱ्या खेळींमुळे आता भारतीय मर्यादित षटकांच्या संघात त्याने आपली जागा पुन्हा एकदा पक्की केली आहे. पाचव्या सामन्यातील या ऐतिहासिक खेळीने आगामी आंतरराष्ट्रीय मालिकांसाठी भारतीय संघ व्यवस्थापनाचा त्याच्यावरील विश्वास आणखी दृढ केला आहे.