IPL 2024 (GT vs RR Match 24) : आयपीएल 2024 स्पर्धेत बुधवारी झालेल्या 24 व्या सामन्यात राजस्थान रॉयल्सचा गुजरात टायटन्सने 3 गडी राखून पराभव केला.  या पराभवानंतर राजस्थान रॉयल्सला (RR) म्हणजेच कर्णधार संज सॅमसनला आणखी एक मोठा धक्का बसला आहे. पराभवाच्या दु:खात राजस्थान रॉयल्सचा (RR) कर्णधार संजू सॅमसनसाठी अचानक एक वाईट बातमी समोर आली आहे.

संजू सॅमसन आढळला दोषी…

संजू सॅमसनला आपल्या एका चुकीमुळे 12 लाखांचे नुकसान सहन करावे लागले आहे. वास्तविक, राजस्थान रॉयल्सचा (RR) कर्णधार संजू सॅमसनला आयपीएल (IPL) आचारसंहितेचे उल्लंघन केल्याबद्दल 12 लाखांचा दंड ठोठावण्यात आला आहे. आयपीएल 2024 च्या मोसमातील संजू सॅमसनचा हा पहिलाच गुन्हा होता. संजू सॅमसनला स्लो ओव्हर रेटप्रकरणी दोषी ठरल्यानंतर बीसीसीआयने ही मोठी शिक्षा दिली आहे. राजस्थान रॉयल्स संघ निर्धारित वेळेत 20 षटके पूर्ण करू शकला नाही. तसेच स्लो ओव्हर रेटमुळे, राजस्थान रॉयल्सला गुजरात टायटन्सविरुद्धच्या आयपीएल सामन्यातील शेवटच्या षटकात 4 ऐवजी 5 खेळाडूंना 30 यार्डच्या वर्तुळात ठेवावे लागले.

बीसीसीआयने दिली मोठी शिक्षा…

आयपीएलने प्रसिद्धीपत्रक जारी करून म्हटले आहे की,”राजस्थान रॉयल्सचा कर्णधार संजू सॅमसन हा 10 एप्रिल रोजी गुजरात टायटन्सविरुद्धच्या सामन्यादरम्यान आयपीएलच्या आचारसंहितेनुसार स्लो ओव्हर रेटसाठी दोषी आढळला आहे. संजू सॅमसनचा हंगामातील हा पहिलाच गुन्हा स्लो ओव्हर रेटशी संबंधित असल्याने त्याला 12 लाख रुपयांचा दंड ठोठावण्यात आला आहे.”

पुढच्या वेळी असेल मोठा दंड ….

राजस्थान रॉयल्सचा कर्णधार संजू सॅमसन पुन्हा स्लो ओव्हर रेटसाठी दोषी आढळल्यास त्याला 24 लाख रुपयांचा दंड ठोठावण्यात येईल. तसेच, संघातील उर्वरित खेळाडूंना प्रत्येकी 6 लाख रुपये किंवा मॅच फीच्या 25% दंड आकारला जाईल.आयपीएल 2024 मध्ये, दिल्ली कॅपिटल्सचा कर्णधार ऋषभ पंतला दोनदा आणि गुजरात टायटन्सचा कर्णधार शुभमन गिलला स्लो ओव्हर रेटसाठी एकदा दंड ठोठावण्यात आला आहे.

#PAKvNZ T20I Series : न्यूझीलंड विरूध्दच्या T20 मालिकेसाठी पाक संघ जाहीर, ‘या’ मॅच फिक्सर खेळाडूचे पुनरागमन….

नियमांनुसार, आयपीएलच्या एका मोसमात कर्णधार तीन वेळा स्लो ओव्हर रेटसाठी दोषी आढळल्यास, 30 लाख रुपयांच्या दंडाव्यतिरिक्त, त्याच्यावर एका आयपीएल सामन्यासाठी बंदी घालण्यात येईल. त्याच वेळी, प्रभावित खेळाडूसह( Impact Player) प्लेइंग इलेव्हनमधील इतर खेळाडूंना प्रत्येकी 12 लाख रुपये किंवा मॅच फीच्या 50% दंड आकारला जाईल.