IPL 2024, CSK vs RCB :- जर क्रिकेट हा खेळ भारतातील क्रीडा चाहत्यांचा जिव असेल तर इंडियन प्रिमिअर लीग अर्थात आयपीएल ही त्यांच्यासाठी क्रीडामेजवानीचा महाडोस असतो. अशा या आयपीएल स्पर्धेच्या 17व्या हंगामाला गतविजेता चेन्नई सुपर किंग्ज आणि रॉयल चॅलेंजर्स बंगळुरू यांच्यातील शुक्रवारी होणाऱ्या पहिल्या सामन्याने प्रारंभ होत आहे.

22 मार्च रोजी रात्री 8 वाजता स्पर्धेच्या दिमाखदार उद्‍घाटनानंतर चेन्नई व बंगळुरूमध्ये पहिला सामना रंगेल. कदाचित 66 दिवस चालणाऱ्या या क्रिकेटोत्सवात 10 संघ 74 सामने खेळतील. 26 मे रोजी अंतिम सामना शक्य आहे. भारतातील लोकसभा निवडणुकीमुळे केवळ सुरुवातीच्या 21 सामन्यांचे 7 एप्रिलपर्यंतचे वेळापत्रक बीसीसीआयने जाहीर केले आहे. त्यानंतर उर्वरित वेळापत्रक जाहीर केले जाणार आहे.

या खेळाडूंचे होणार पुनरागमन…

आयपीएल 2024 मध्ये अनेक खेळाडू पुनरागमन करताना दिसतील. दिल्ली कॅपिटल्सचा कर्णधार ऋषभ पंत आता डिसेंबर 2022 नंतर खेळताना दिसणार आहे. रस्ता अपघातात गंभीर जखमी झाल्यामुळे तो गेल्या मोसमात खेळू शकला नव्हता. मुलगा अकायच्या जन्मानंतर किंग कोहलीची ही पहिली आयपीएल असेल तर हार्दिक पांड्या पहिल्यांदाच मुंबई इंडियन्सचे नेतृत्व करताना दिसणार आहे. त्याचबरोबर शुभमन गिल गुजरात जायंट्सचे कर्णधारपद सांभाळताना दिसणार आहे. याशिवाय ऑस्ट्रेलियाचा वेगवान गोलंदाज मिचेल स्टार्कवरही जगभरातील क्रिकेट चाहत्यांचे लक्ष असणार आहे. मिचेल स्टार्क तब्बल 9 वर्षांनंतर आयपीएलमध्ये पुनरागमन करत आहे.

उद्घाटन समारंभात बॉलिवूड कलाकरा करणार परफॉर्म 

यंदाच्या उद्घाटन समारंभात गायक ए.आर. रहमान, सोनू निगम आणि बॉलिवूड अभिनेता अक्षय कुमार, टायगर श्रॉफ परफॉर्म करताना दिसतील. बीसीसीआयने बुधवारी ही माहिती दिली आहे. गेल्या हंगामामध्ये अभिनेत्री तमन्ना भाटिया आणि गायक अरिजित सिंग यांनी परफॉर्म केला होता. यापूर्वी बॉलिवूड स्टार शाहरुख खान, सलमान खान आणि अमेरिकन गायक पिटबुल, कतरिना कैफ, करीना कपूर आणि दीपिका पदुकोण यांनीही आयपीएलमध्ये परफॉर्म केला आहे.

https://wordpress-1295094-4705890.cloudwaysapps.com/csk-vs-rcb-weather-report-will-the-match-between-chennai-and-bangalore-be-washed-out-due-to-rain-big-update-regarding-weather/

हे चेहरे यंदा दिसणार नाहीत

इंग्लंडचा बेन स्टोक्स, जो रूट, जोफ्रा आर्चर, जेसन रॉय, मार्क वूड आणि हॅरी ब्रुक हे दुखापत, कामाचा व्याप व खासगी कारणांमुळे यंदाच्या हंगामात दिसणार नाहीत. भारताचा मोहंमद शमी देखील दुखापतीमुळे आयपीएल बाहेर आहे. तर ऑस्ट्रेलियाच्या स्टीव्ह स्मिथ, मार्क हेजलवूड यांच्यावर यंदा बोलीच लागली नाही.

https://wordpress-1295094-4705890.cloudwaysapps.com/rcb-unveil-new-jersey-for-ipl-2024-at-rcb-unbox/

IPL 2024 : पहिल्या 21 सामन्यांचे वेळापत्रक….

1. चेन्नई सुपर किंग्स विरुद्ध रॉयल चॅलेंजर्स बेंगळुरू (22 मार्च, चेन्नई, रात्री 8.00)
2. पंजाब किंग्स विरुद्ध दिल्ली कॅपिटल्स (23 मार्च, मोहाली, दुपारी 3.30 वा.)
3. कोलकाता नाइट रायडर्स विरुद्ध सनरायझर्स हैदराबाद (23 मार्च, कोलकाता, संध्याकाळी 7.30)
4. राजस्थान रॉयल्स विरुद्ध लखनौ सुपर जायंट्स (24 मार्च, जयपूर, दुपारी 3.30 वाजता)
5. गुजरात टायटन्स विरुद्ध मुंबई इंडियन्स (24 मार्च, अहमदाबाद, संध्याकाळी 7.30 वा)
6. रॉयल चॅलेंजर्स बेंगळुरू विरुद्ध पंजाब किंग्ज (25 मार्च, बेंगळुरू, संध्याकाळी 7.30 वा.)
7. चेन्नई सुपर किंग्स विरुद्ध गुजरात टायटन्स (26 मार्च, चेन्नई, संध्याकाळी 7.30 वा.)
8. सनरायझर्स हैदराबाद विरुद्ध मुंबई इंडियन्स (27 मार्च, हैदराबाद, संध्याकाळी 7.30 वा)
9. राजस्थान रॉयल्स विरुद्ध दिल्ली कॅपिटल्स (28 मार्च, जयपूर, संध्याकाळी 7.30 वा.)
10. रॉयल चॅलेंजर्स बेंगळुरू विरुद्ध कोलकाता नाइट रायडर्स (29 मार्च, बेंगळुरू, संध्याकाळी 7.30 वा.)
11. लखनौ सुपर जायंट्स विरुद्ध पंजाब किंग्स (30 मार्च, लखनौ, संध्याकाळी 7.30 वा.)
12. गुजरात टायटन्स विरुद्ध सनरायझर्स हैदराबाद (31 मार्च, अहमदाबाद, 3.30 वा.)
13. दिल्ली कॅपिटल्स विरुद्ध चेन्नई सुपर किंग्ज (31 मार्च, विझाग, संध्याकाळी 7.30 वा.)
14. मुंबई इंडियन्स विरुद्ध राजस्थान रॉयल्स (1 एप्रिल, मुंबई, संध्याकाळी 7.30 वा.)
15. रॉयल चॅलेंजर्स बेंगळुरू विरुद्ध लखनौ सुपर जायंट्स (2 एप्रिल, बेंगळुरू, संध्याकाळी 7.30 वा.)
16. दिल्ली कॅपिटल्स विरुद्ध कोलकाता नाईट रायडर्स (3 एप्रिल, विझाग, संध्याकाळी 7.30 वा)
17. गुजरात टायटन्स विरुद्ध पंजाब किंग्ज (4 एप्रिल, अहमदाबाद, संध्याकाळी 7.30 वा.)
18. सनरायझर्स हैदराबाद विरुद्ध चेन्नई सुपर किंग्ज (5 एप्रिल, हैदराबाद, संध्याकाळी 7.30 वा)
19. राजस्थान रॉयल्स विरुद्ध रॉयल चॅलेंजर्स बेंगळुरू (6 एप्रिल, जयपूर, संध्याकाळी 7.30 वा)
20. मुंबई इंडियन्स विरुद्ध दिल्ली कॅपिटल्स (7 एप्रिल, मुंबई, दुपारी 3.30 वाजता)
21. लखनौ सुपर जायंट्स विरुद्ध गुजरात टायटन्स (7 एप्रिल, लखनौ, संध्याकाळी 7.30 वा)

https://wordpress-1295094-4705890.cloudwaysapps.com/ipl-2024-rituraj-becomes-the-new-king-of-chennai-know-what-is-the-record-of-the-young-player-he-has-also-led-india/

सर्व संघांचे कर्णधार

चेन्नई सुपर किंग्स : ऋतुराज गायकवाड
दिल्ली कॅपिटल्स : ऋषभ पंत
गुजरात टायटन्स : शुभमन गिल
कोलकाता नाइट रायडर्स : श्रेयस अय्यर
लखनौ सुपर जायंट्स : केएल राहुल
मुंबई इंडियन्स : हार्दिक पंड्या
पंजाब किंग्स : शिखर धवन
राजस्थान रॉयल्स : संजू सॅमसन
रॉयल चॅलेंजर्स बंगलोर : फाफ डू प्लेसिस
सनरायझर्स हैदराबाद : पॅट कमिन्स