IPL 2024 (DC vs LSG Match 64,Today 7.30 PM) : आयपीएल 2024 चा 64 वा सामना दिल्ली कॅपिटल्स आणि लखनऊ सुपर जायंट्स यांच्यात मंगळवारी संध्याकाळी 7.30 पासून दिल्लीतील अरुण जेटली क्रिकेट स्टेडियमवर खेळला जाईल. या सामन्यावर दोन्ही संघांच्या प्लेऑफच्या आशा टिकून आहेत. एक प्रकारे दिल्लीसाठी ही आभासी उपांत्य फेरी आहे. दिल्लीचा हा शेवटचा साखळी सामना आहे. जर दिल्लीने हा सामना गमावला तर त्याच्या प्लेऑफच्या आशा संपुष्टात येतील.

लखनौ सुपर जायंट्स आणि दिल्ली कॅपिटल्सचे सध्या समान 12 गुण आहेत. लखनौने आतापर्यंत 12 सामने खेळले आहेत. यापैकी 6 सामने जिंकले आहेत आणि तेवढेच सामने हरले आहेत. दुसरीकडे, दिल्ली कॅपिटल्सने 13 पैकी 6 सामने जिंकले आहेत आणि 7 गमावले आहेत. दिल्लीचेही 12 गुण आहेत. पण, चांगल्या नेट रन रेटमुळे पॉइंट टेबलमध्ये दिल्ली सहाव्या आणि लखनौ सातव्या स्थानावर आहे. त्यामुळे दिल्लीसाठी हा ‘करो या मरो’ चा सामना आहे.

लखनौ-दिल्ली हेड टू हेड रेकॉर्ड

लखनौ आणि दिल्ली यांच्यातील मागील चार सामन्यांबद्दल बोलायचे झाले तर लखनौने 3 सामने जिंकले आहेत. म्हणजे लखनौचा वरचष्मा आहे. दोन्ही संघांनी यापूर्वीचे सामने गमावले आहेत. दिल्ली कॅपिटल्सला एक दिवस आधी आरसीबीकडून पराभव स्वीकारावा लागला होता. त्याचवेळी, लखनौचा शेवटच्या सामन्यात सनरायझर्स हैदराबादने 10 गडी राखून पराभव केला होता.

IPL 2024 Final : विजेतेपदाची लढत कधी आणि कुठे होणार? जाणून घ्या, किती असेल सर्वात स्वस्त तिकीट…

पंतच्या अनुपस्थितीचा झाला परिणाम… 

स्लो ओव्हर रेटमुळे एका सामन्याच्या बंदीमुळे ऋषभ पंत शेवटचा सामना खेळू शकला नाही. याचा परिणाम दिल्ली संघावर झाला. आता तो लखनौविरुद्ध पुनरागमन करू शकतो. त्यामुळे दिल्ली संघाची फलंदाजी मजबूत होईल. या हंगामात दोन्ही संघांमधील शेवटचा सामना दिल्लीने जिंकला होता.

केएल राहुलवर असणार लक्ष्य…

हैदराबादविरुद्धच्या शेवटच्या सामन्यात झालेल्या पराभवानंतर संघाचे मालक संजीव गोयंका यांचा एक व्हिडिओ व्हायरल झाला होता, ज्यामध्ये ते केएल राहुलशी रागाने बोलताना दिसत होते. तेव्हापासून राहुलच्या लखनऊ संघाच्या भवितव्यावर प्रश्न उपस्थित होऊ लागले आहेत. राहुल कर्णधारपद सोडण्याची शक्यता आहे. किंवा तो उर्वरित दोन सामन्यांनंतर संघाशी संबंध तोडू शकतो. मात्र, याबाबत संघ व्यवस्थापनाकडून अद्याप कोणतेही वक्तव्य आलेले नाही.

IPL 2024 : राजस्थानला मोठा झटका, जोस बटलर खेळणार नाही उर्वरित सामने; समोर आलं ‘हे’ कारण…

लखनौची कमजोरी म्हणजे गोलंदाजी….

दुखापतीमुळे मयंक यादवची आयपीएलमध्ये अनुपस्थिती लखनौ सुपर जायंट्सला चांगलीच महागात पडली आहे. यश ठाकूर आणि नवीन उल हक त्याची भरपाई करू शकले नाहीत. मोहसीन खानही दुखापतीमुळे शेवटचा सामना खेळू शकला नाही. कृणाल पांड्या आणि रवी बिश्नोई हेही फॉर्मात नाहीत.

दिल्लीचे कमकुवत क्षेत्ररक्षण…

आरसीबीविरुद्धच्या शेवटच्या सामन्यात दिल्लीच्या खेळाडूंनी बरेच झेल सोडले, जे नंतर संघाला महागात पडले. लखनौविरुद्ध जिंकायचे असेल तर दिल्लीला ही चूक सुधारावी लागेल.