नवी दिल्ली – आयपीएल 2023 चा पहिला सामना गतवर्षीचा चॅम्पियन गुजरात टायटन्स आणि चार वेळा विजेतेपद पटकावणारा संघ चेन्नई सुपर किंग्ज यांच्यात होणार आहे. अहमदाबादच्या नरेंद्र मोदी स्टेडियमवर दोन्ही संघांना आपल्या मोहिमेची सुरुवात विजयाने करायची आहे. गुजरातचा कर्णधार हार्दिक पंड्या स्वतः महेंद्रसिंग धोनीचा मोठा चाहता आहे आणि धोनीकडून तो खूप काही शिकला आहे. अशा परिस्थितीत धोनी आणि हार्दिक यांच्यातील लढत खूपच रोमांचक असेल. दोन्ही संघात काही बदल करण्यात आले असून मिनी लिलावात दोन्ही संघांनी काही चांगले खेळाडू घेतले आहेत.

बेन स्टोक्सच्या आगमनाने चेन्नई संघ आणखी मजबूत झाला आहे, तर केन विल्यमसन गुजरात संघ आणखी भक्कम होणार आहे. आज होणाऱ्या या गुजरात टायटन्स आणि चेन्नई सुपर किंग्ज यांच्यातील सामन्यावर सर्व क्रिकेट प्रेमींची नजर असणार आहे. सायंकाळी 7:30 वाजता हा सामना सुरु होणार आहे.

इंडियन प्रीमियर लीगचे टेलिव्हिजनवर प्रसारण करण्याचे अधिकार स्टार स्पोर्ट्स ग्रुपकडे आहेत. या स्पर्धेचे सर्व सामने वेगवेगळ्या भाषांमध्ये स्टार स्पोर्ट्स ग्रुपच्या चॅनलवर पाहता येतील.भारतात जिओ सिनेमा अँपवर या सामन्याचे लाईव्ह-स्ट्रीमिंग पाहता येणार आहे

असे असतील दोन्हही संघ
चेन्नई सुपर किंग्ज : ऋतुराज गायकवाड, डेव्हॉन कॉनवे, बेन स्टोक्स, अंबाती रायुडू, मोईन अली, रवींद्र जडेजा, शिवम दुबे, महेंद्रसिंग धोनी (कर्णधार), ड्वेन प्रिटोरियस, दीपक चहर, सिमरजीत सिंग.

गुजरात टायटन्स : शुभमन गिल, केन विल्यमसन, श्रीकर भारत (विकेटकीपर), हार्दिक पांड्या (क), मॅथ्यू वेड, राहुल तेवतिया, आर साई किशोर, रशीद खान, यश दयाल, अल्झारी जोसेफ, मोहम्मद शमी.