Jasprit Bumrah & Akash Deep 10th-wicket record partnership : भारत आणि ऑस्ट्रेलिया यांच्यातील पाच कसोटी सामन्यांच्या मालिकेतील तिसरा कसोटी सामना ब्रिस्बेन येथे खेळला जात आहे. भारतीय कर्णधाराने नाणेफेक जिंकून प्रथम गोलंदाजी करण्याचा निर्णय घेतला. ऑस्ट्रेलियाने प्रथम फलंदाजी करताना पहिल्या डावात 445 धावा केल्या. प्रत्युत्तरात भारतीय संघाचा पहिला डाव सुरू असून चौथ्या दिवसअखेर टीम इंडियानं पहिल्या डावात नऊ गडी गमावून 252 धावा केल्या आहेत. संघ अजूनही 193 धावांनी मागे आहे.

गाबा कसोटीत जसप्रीत बुमराह आणि आकाशदीप या जोडीने फलंदाजीत शानदार प्रदर्शन केले, जे 21व्या शतकात यापूर्वी कोणीही करू शकले नव्हते. चौथ्या दिवसअखेर, बुमराह आणि आकाशने 10व्या विकेटसाठी 39*(54) धावांची भागीदारी केली. यापूर्वी, गाबा कसोटीत भारतासाठी 10व्या विकेटसाठी सर्वात मोठी भागीदारी 1991 मध्ये झाली होती, जी मनोज प्रभाकर आणि जवागल श्रीनाथ यांनी केली होती.

बुमराह आणि आकाशदीपच्या आधी, गाबा कसोटीत भारतासाठी 10व्या विकेटसाठी सर्वात मोठी भागीदारी 33 धावांची होती, जी मनोज प्रभाकर आणि जवागल श्रीनाथ यांच्यात होती. आता बुमराह आणि आकाशदीपने 39* धावांची भागीदारी केली आहे, त्यात आणखी भर पडू शकते कारण आणखी एक दिवसाचा खेळ शिल्लक आहे.  चौथ्या दिवसअखेर बुमराह(27 चेंडूत 10 धावा) आणि आकाशदीप (31 चेंडूत 27 धावा) नाबाद परतले.

गाबा कसोटीत भारतासाठी 10व्या विकेटसाठी सर्वात मोठी भागीदारी….

जसप्रीत बुमराह आणि आकाशदीप- 39* धावा (2024)
मनोज प्रभाकर आणि जवागल श्रीनाथ- 33 धावा (1991)
मोटगनहल्ली जयसिम्हा आणि उमेश कुलकर्णी- 22 धावा (1968)
वेंकटपति राजू आणि जवागल श्रीनाथ- 14 धावा(1991)
ईशांत शर्मा आणि उमेश यादव- 14 धावा (2014).

IND vs AUS 3rd Test : चौथ्या दिवसाचा खेळ संपला, आकाशदीप- बुमराहने फॉलोऑन टाळला, गाबा टेस्ट ‘ड्रॉ’च्या दिशेने…

दरम्यान, एकवेळ भारताला फॉलोऑन मिळेल असे वाटत होते, पण जसप्रीत बुमराह आणि आकाशदीपच्या शानदार भागीदारीने संघाला फॉलोऑनपासून वाचवले. चौथ्या दिवसअखेर दोघांनी 10व्या विकेटसाठी 39* धावांची भागीदारी केली.