Gurnoor Brar ICC Demerit Point IND vs ENG 1st ODI Code of Conduct Violation : इंग्लंडविरुद्धच्या पहिल्या एकदिवसीय सामन्यात एकाच षटकात दोन विकेट्स घेत भारताच्या विजयाचा पाया रचणारा युवा वेगवान गोलंदाज गुरनूर ब्रार (Gurnoor Brar) मोठ्या वादात सापडला आहे. आंतरराष्ट्रीय क्रिकेट परिषदेने (ICC) सामन्यादरम्यान आचारसंहितेचा भंग केल्याप्रकरणी ब्रारला अधिकृत चेतावणी (Official Warning) जारी केली आहे. यासोबतच त्याच्या शिस्तभंग रेकॉर्डमध्ये १ डिमेरिट गुण (Demerit Point) जोडण्यात आला आहे. गेल्या २४ महिन्यांच्या कालावधीतील ब्रारचा हा पहिलाच गुन्हा असल्याने आयसीसीने त्याला केवळ १ गुण देऊन सोडले आहे.  (Brar ICC Warning)

८ व्या षटकात मैदानावर नेमकं काय घडलं? (Brar ICC Warning)

ही घटना इंग्लंडच्या डावातील ८ व्या षटकात घडली. गोलंदाजी करत असलेल्या गुरनूर ब्रारने चेंडू अडवल्यानंतर तो खेळाच्या नियमाविरुद्ध अत्यंत अयोग्य आणि धोकादायक पद्धतीने थेट इंग्लिश फलंदाजाच्या दिशेने भिरकावला. मैदानावर उपस्थित असलेल्या पंचांनी ही कृती आयसीसी आचारसंहितेच्या नियम २.९ चे उल्लंघन मानली. ऑन-फील्ड पंच कुमार धर्मसेना आणि माईक बर्न्स, तसेच तिसरे पंच सॅम नोगाज्स्की आणि चौथे पंच रसेल वॉरेन यांनी मिळून ब्रारवर हे आरोप निश्चित केले.   (Brar ICC Warning)

Gurnoor Brar’s fiery start in international cricket ⚠️

Gurnoor Brar has been warned by ICC after throwing the ball towards Ben Duckett in an inappropriate manner during the 1st ODI against England.

Handed 1 demerit point for the offence 😉 pic.twitter.com/0kvZzWhbP4

— Rohan 🇫🇷 (@Justttlazyyyy) July 16, 2026

ब्रारने चूक मान्य केली; सुनावणी टळली!  (Brar ICC Warning)

Gurnoor Brar has been warned, handed one demerit point for “throwing a ball at or near a player in an inappropriate and or dangerous manner during an international match.”

The incident occurred in the 8th over of England’s innings in the first ODI. #ENGvIND pic.twitter.com/JPS2yZjYnD

— Cricbuzz (@cricbuzz) July 16, 2026

मॅच रेफरी रिची रिचर्डसन यांनी सुनावलेली ही शिक्षा आणि आपली चूक गुरनूर ब्रारने कोणत्याही आक्षेपशिवाय मान्य केली आहे. ब्रारने गुन्हा कबूल केल्यामुळे आयसीसीला या प्रकरणात कोणतीही औपचारिक सुनावणी घेण्याची आवश्यकता भासली नाही. आयसीसीच्या नियमांनुसार, लेव्हल-१ च्या उल्लंघनासाठी किमान शिक्षा म्हणून केवळ फटकारले जाते, तर कमाल शिक्षा म्हणून खेळाडूच्या मॅच फीच्या ५० टक्के दंड आणि एक किंवा दोन डिमेरिट गुण दिले जातात.

हेही वाचा – Messi Yamal Final : १७ वर्षांपूर्वी ज्याला मेसीने टबमध्ये आंघोळ घातली, तोच आता फायनलमध्ये अर्जेंटिनाचा गेम करणार? फोटो व्हायरल

काय असतो आयसीसीचा डिमेरिट पॉईंट नियम?  (Brar ICC Warning)

आयसीसीच्या नियमांनुसार, जर एखादा खेळाडू २४ महिन्यांच्या आत ४ किंवा त्याहून अधिक डिमेरिट गुणांपर्यंत पोहोचला, तर या गुणांचे निलंबन गुणांमध्ये (Suspension Points) रूपांतर होते आणि खेळाडूवर बंदी घातली जाते. दोन निलंबन गुण झाल्यास खेळाडूला एका कसोटी सामन्यातून किंवा दोन वनडे/टी-२० सामन्यांतून प्रतिबंधित केले जाऊ शकते. खेळाडूच्या रेकॉर्डवर असलेला हा डिमेरिट पॉईंट २४ महिन्यांसाठी सक्रिय राहतो आणि त्यानंतर तो आपोआप हटवला जातो.