ICC Annual Conference Edinburgh Devajit Saikia Tamim Iqbal Mauritius ICC Member : स्कॉटलंडमधील एडिनबर्ग येथे आयोजित आयसीसीच्या वार्षिक परिषदेत जागतिक क्रिकेटच्या प्रशासकीय सुधारणा आणि विस्ताराच्या दृष्टीने अनेक मोठे निर्णय घेण्यात आले आहेत. या बैठकीत बीसीसीईआयचे सचिव देवजीत सैकिया यांची आयसीसीच्या नवगठित ‘गव्हर्नन्स रिव्ह्यू कमिटी’च्या (प्रशासकीय सुधारणा समिती) अध्यक्षपदी नियुक्ती करण्यात आली आहे. याच परिषदेत मॉरिशसला आयसीसीचा १११ वा अधिकृत सदस्य म्हणून मान्यता देण्यात आली, तर श्रीलंका क्रिकेट बोर्डावरील बंदी कायम ठेवत त्यांना आणखी एक धक्का देण्यात आला आहे.

देवजीत सैकिया आणि तमीम इकबाल यांच्यावर मोठी जबाबदारी!

जागतिक क्रिकेटचे संचालन अधिक पारदर्शक आणि प्रभावी करण्यासाठी आयसीसीने दोन महत्त्वाच्या उप-समित्या स्थापन केल्या आहेत. पहिली ‘गव्हर्नन्स रिव्ह्यू कमिटी’ असून, याची धुरा भारताच्या देवजीत सैकिया यांच्याकडे सोपवण्यात आली आहे. या समितीत दक्षिण आफ्रिकेचे डॉ. मोहम्मद मुसाजी आणि आयसीसीच्या स्वतंत्र संचालक डॉ. रोस रिवाज सदस्य असतील.

A historic milestone for Assam cricket

We extend our warmest congratulations to BCCI Hony. Secretary Shri Devajit Saikia on being appointed as the Chairman of the International Cricket Council (ICC) Governance Committee.

This prestigious global role is a testament to his… pic.twitter.com/GU3yyhufUU

— Assam Cricket Association (@assamcric) July 14, 2026

दुसरीकडे, जगभरात वेगाने वाढणाऱ्या टी-२० आणि इतर फ्रँचायझी लीगवर नियंत्रण ठेवण्यासाठी ‘फ्रँचायझी लीग कमिटी’ स्थापन करण्यात आली आहे. याचे अध्यक्षपद बांगलादेशचे माजी कर्णधार आणि विद्यमान क्रिकेट बोर्डाचे अध्यक्ष तमीम इकबाल (Tamim Iqbal) यांच्याकडे देण्यात आले आहे. या समितीत देवजीत सैकिया यांच्यासह रिचर्ड गोल्ड (ECB) आणि टॉड ग्रीनबर्ग (CA) यांचा समावेश आहे.

वेस्ट इंडिजला कोट्यवधींचे कर्ज, तर श्रीलंकेला दणका!

आयसीसीने वेस्ट इंडिज क्रिकेट बोर्डाला त्यांच्या आर्थिक गरजा पूर्ण करण्यासाठी १.२८२ कोटी अमेरिकन डॉलरचे (सुमारे १२.८२ दशलक्ष डॉलर) कर्ज मंजूर केले आहे. मात्र, श्रीलंका क्रिकेट बोर्डाच्या (SLC) बाबतीत आयसीसीने कडक भूमिका घेतली आहे. श्रीलंकेने संविधानात सुधारणा केल्याचे आयसीसीने मान्य केले असले, तरी जोपर्यंत तिथे लोकशाही मार्गाने निवडणुका होत नाहीत, तोपर्यंत श्रीलंकेला आयसीसीच्या कोणत्याही बैठकीत सहभागी होता येणार नाही, असे स्पष्ट केले.

हेही वाचा – Kohli Bodyguard Controversy : विराट कोहलीच्या बॉडीगार्डच्या मुजोरीने क्रिकेट विश्वात खळबळ! भारतीय पत्रकारांना शिवीगाळ अन् फॅनचा फोडला फोन

फ्रान्स क्रिकेटला नोटीस; कॅनडावरील निलंबन मागे घेणार!

या बैठकीत तमीम इकबाल यांच्या बांगलादेश क्रिकेट बोर्डाच्या अध्यक्षपदाला औपचारिक मान्यता देण्यात आली. तसेच क्रिकेट कॅनडावरील निलंबन उठवण्यासाठी आवश्यक अटींना मंजुरी देण्यात आली. मात्र, सदस्यत्वाच्या नियमांचे उल्लंघन केल्याप्रकरणी फ्रान्स क्रिकेटला आयसीसीने ‘ऑन नोटीस’वर ठेवले आहे.