MLC 2026 Eliminator MI New York vs Washington Freedom Highest T20 Run Chase Record : मेजर लीग क्रिकेटच्या पहिल्या एलिमिनेटर सामन्यात क्रिकेट विश्वाने आजपर्यंतचा सर्वात अकल्पनीय आणि ऐतिहासिक धावांचा पाऊस अनुभवला. ऑकलंडमध्ये खेळल्या गेलेल्या एमआय न्यूयॉर्क आणि वॉशिंग्टन फ्रीडम यांच्यातील या सामन्याने टी-२० क्रिकेटचे सर्व जुने रेकॉर्ड्स उद्ध्वस्त केले आहेत. एकाच सामन्यात ५३७ धावा, ५१ षटकार आणि तब्बल ३ शतकांची नोंद करत वॉशिंग्टन फ्रीडमने टी-२० क्रिकेटच्या इतिहासातील सर्वात मोठ्या यशस्वी ‘रन चेस’चा जागतिक विक्रम आपल्या नावावर कोरला आहे.

२६६ धावांचा डोंगर उभारूनही एमआय न्यूयॉर्क पराभूत!

टी-२० क्रिकेटमध्ये २०० धावांचा टप्पा गाठल्यानंतर विजय निश्चित मानला जातो, पण या सामन्यात २६६ धावा करूनही मुंबईच्या मालकीच्या एमआय न्यूयॉर्कला पराभवाचा धक्का सहन करावा लागला. एमआय न्यूयॉर्कने प्रथम फलंदाजी करताना २० षटकांत २६६/९ धावा केल्या होत्या. निकोलस पूरनने अवघ्या ३१ चेंडूंत शतक झळकावत एमएलसी इतिहासातील सर्वात वेगवान शतकाची नोंद केली आणि १०६ धावा कुटल्या.

Two Centuries. One Historic Chase in MLC 2026.

When the pressure was at its peak, Andries Gous and Steve Smith delivered.

One of the finest knocks in MLC playoff💯💥 pic.twitter.com/hfmiSTH3ES

— CricTracker (@Cricketracker) July 16, 2026

तर किरॉन पोलार्डने २५ चेंडूंत ६४ धावा ठोकताना टी-२० कारकिर्दीतील १००० षटकारांचा टप्पा पूर्ण केला. मात्र, वॉशिंग्टन फ्रीडमने हे अशक्यप्राय वाटणारे आव्हान अवघ्या १८.४ षटकांत ४ गडी गमावून (२७०/४) पूर्ण केले. यापूर्वीचा आयपीएल २०२६ मधील पंजाब किंग्सचा (२६५ धावा) विक्रम आता मोडला गेला आहे.

१० धावांवर २ विकेट्स… आणि नंतर स्मिथ-गौसने पाडला धावांचा पाऊस –

🚨A T20 CLASSIC FOR THE AGES🤯🔥

MLC Eliminator:

MI New York: 266/9 (20)
Washington Freedom: 270/4 (18.4)

Nicholas Pooran – 106 (33)
Steve Smith – 110* (48)
Andries Gous – 132 (51)
Sixes = 50

One of the craziest and greatest T20 matches ever played 🥶#MLC #WashingtonFreedom pic.twitter.com/OgMnuRdMEG

— Sports Nexus (@SportsNexusoffi) July 16, 2026

२६७ धावांच्या विशाल लक्ष्याचा पाठलाग करताना वॉशिंग्टनची सुरुवात अत्यंत खराब झाली होती. शाकिब अल हसनने पहिल्याच षटकात २ विकेट्स घेतल्याने त्यांची अवस्था २ बाद १० धावा अशी झाली होती. मात्र, येथून पुढे कर्णधार स्टीव्ह स्मिथ आणि अँड्रीस गौस यांनी इतिहास रचला. या दोघांनी तिसऱ्या विकेटसाठी अवघ्या ८९ चेंडूंत २४१ धावांची अभेद्य भागीदारी रचली. अँड्रीस गौसने ५६ चेंडूंत १३२ धावा ठोकल्या, तर स्टीव्ह स्मिथने ४९ चेंडूंत नाबाद ११० धावांची खेळी केली. पुरुष टी-२० इतिहासात एकाच सामन्यात ३ शतके होण्याची ही पहिलीच वेळ आहे.

हेही वाचा – Brar ICC Warning : टीम इंडियाच्या युवा गोलंदाजाला ‘ती’ चूक भोवली, आयसीसीने बजावली नोटीस; नेमकं कारण काय? जाणून घ्या

एकूण ५३७ धावांपैकी ३०६ धावा फक्त षटकारांच्या!

Washington Freedom chased 267 in 18.4 overs v MINY.

Steve Smith – 110* [48]
Andries Gous – 132 [51]

MINY eliminated, WF will face SFU in qualifier 2 of MLC 2026. pic.twitter.com/sgmiaYKjF9

— Maina Singh (@Maina_Singhx77) July 16, 2026

या ऐतिहासिक सामन्यात चौकांपेक्षा षटकारांचीच जास्त आतिषबाजी पाहायला मिळाली. दोन्ही संघांच्या फलंदाजांनी मिळून तब्बल ५१ षटकार ठोकले. गोलंदाजांची अक्षरशः कत्तल झाली. सामन्यात झालेल्या एकूण ५३७ धावांपैकी ३०६ धावा या केवळ षटकारांच्या माध्यमातून आल्या होत्या.