Virat Kohli Bodyguard Controversy IND vs ENG ODI Journalists Misbehaviour BCCI Rules : भारत आणि इंग्लंड यांच्यातील एकदिवसीय (ODI) मालिकेदरम्यान टीम इंडियाचा स्टार फलंदाज विराट कोहली (Virat Kohli) एका मोठ्या वादाच्या भोवऱ्यात सापडला आहे. इंग्लंडमध्ये विराट कोहलीच्या वैयक्तिक सुरक्षारक्षकाने (Bodyguard) भारतीय पत्रकारांशी जाहीरपणे गैरवर्तन केल्याचा धक्कादायक प्रकार समोर आला आहे. या सुरक्षारक्षकाने पत्रकारांना अत्यंत गलिच्छ भाषेत शिवीगाळ केल्याचा आरोप करण्यात आला आहे. हे पत्रकार इतर चाहत्यांसोबत दूर उभे राहून भारतीय संघाच्या बसचा व्हिडीओ बनवत असताना हा वाद उद्भवला.

नेमकं काय घडलं? पत्रकाराचा ट्विटरवर गौप्यस्फोट!

इंग्लंडमध्ये ही मालिका कव्हर करणारे भारतीय क्रीडा पत्रकार शुभायन चक्रवर्ती यांनी ‘एक्स’ (ट्विटर) वर पोस्ट शेअर करत या घटनेचा खुलासा केला आहे. त्यांनी आरोप केला की, “विराट कोहलीचा हा सुरक्षारक्षक आहे. एक माध्यम प्रतिनिधी चाहत्यांसोबत उभा राहून संघाच्या बसचा व्हिडीओ काढत होता, ज्याची त्याच्याकडे अधिकृत परवानगीही होती.”

This is Virat Kohli’s bodyguard. A media person was standing at his designated area capturing team’s departure visuals and was standing with the fans. He had his media accreditation card. After Virat got inside the bus, this bodyguard came towards that media person and started… pic.twitter.com/q1ScmiqPaP

— Subhayan Chakraborty (@CricSubhayan) July 15, 2026

त्यांनी पुढे लिहिले, “मात्र, विराट बसमध्ये चढताच हा सुरक्षारक्षक पत्रकाराकडे धावून आला आणि त्याला गलिच्छ भाषेत शिव्या देऊ लागला. त्याने ‘इथून चालता हो’ (दफा हो जाओ) असे म्हणत धमकावले. जेव्हा पत्रकाराने त्याचे अधिकृत ओळखपत्र (Accreditation Card) दाखवले, तेव्हा मला तुमच्या कार्डची काहीच पर्वा नाही, असे म्हणत तो सतत शिवीगाळ करत राहिला. हे पूर्णपणे चुकीचे आहे.” पत्रकाराने या संदर्भात थेट बीसीसीआयला (BCCI) टॅग करून कारवाईची मागणी केली आहे.

चाहत्याचा मोबाईल तोडला; बीसीसीआयच्या नियमांचे काय?

This is Virat Kohli’s bodyguard. He has been seen with him for the first time in this ODI series. Usually, when you’re with the BCCI, you don’t need a personal bodyguard. In India, there is separate security during matches, and when the team is abroad, the host cricket board also… https://t.co/ZIhTs3cU0M pic.twitter.com/A0Qzy6lNCI

— 𝐑𝐮𝐬𝐡𝐢𝐢𝐢⁴⁵ (@rushiii_12) July 15, 2026

या सुरक्षारक्षकावर केवळ पत्रकारांशी गैरवर्तन केल्याचाच नाही, तर तिथे उपस्थित असलेल्या एका चाहत्याचा मोबाईल हिसकावून तो जमिनीवर आदळून तोडल्याचाही गंभीर आरोप आहे. या संपूर्ण वादामुळे विराट कोहलीच्या अडचणी वाढल्या आहेत. क्रिकेट वर्तुळात आता हा प्रश्न उपस्थित केला जात आहे की, आंतरराष्ट्रीय दौऱ्यांवर बीसीसीआय स्वतः संपूर्ण संघाची सुरक्षा व्यवस्था पाहत असताना विराट कोहली वैयक्तिक सुरक्षारक्षक कसा घेऊन फिरू शकतो?

हेही वाचा – Ruiz Unbeaten Streak : हा खेळाडू आहे की विजयाचा ताईत? ४९ सामन्यांपासून स्पेनला हारू न देणाऱ्या ‘या’ ३० वर्षीय मिडफिल्डरचा फुटबॉल जगतात डंका

बीसीसीआयच्या नियमांनुसार कोणत्याही खेळाडूला दौऱ्यावर वैयक्तिक सुरक्षारक्षक आणण्याची परवानगी नाही, मग विराटने या नियमांचे उल्लंघन कसे केले, असा सवाल आता उपस्थित केला जात आहे.