India Women Beat Zimbabwe Women by 121 Runs in 2nd ODI Vadodara : भारतीय महिला क्रिकेट संघाने सर्वसमावेशक खेळाचे प्रदर्शन करत दुसऱ्या एकदिवसीय सामन्यात झिम्बाब्वेचा १२१ धावांनी धुव्वा उडवला. नाणेफेक गमावून प्रथम फलंदाजी करताना भारताने ५० षटकांत ६ बाद ३२८ धावांचा डोंगर उभारला होता. भारताच्या या विजयात माजी कर्णधार हरमनप्रीत कौर आणि अष्टपैलू दीप्ती शर्मा यांनी ठोकलेली आक्रमक शतके निर्णायक ठरली. फलंदाजांनंतर गोलंदाजांनीही शिस्तबद्ध मारा करत झिम्बाब्वेला सामन्यातून पूर्णपणे बाहेर फेकले.

स्मृती-शफाली स्वस्तात बाद; हरमनप्रीत-दीप्तीची शतकी खेळी

भारताची सुरुवात निराशाजनक झाली होती; कर्णधार स्मृती मानधना शून्यावर तर शफाली वर्मा अवघ्या ८ धावांवर तंबूत परतली. यानंतर प्रतिका रावलने ६७ चेंडूंत ६१ धावा (४ चौकार, २ षटकार) करत डाव सावरला. मधल्या फळीत हरमनप्रीत कौरने १२१ चेंडूंत १५ चौकारांच्या मदतीने १२६ धावांची कर्णधारी खेळी केली. तिला दीप्ती शर्माने अप्रतिम साथ देत अवघ्या ८६ चेंडूंत नाबाद १०६ धावांची तुफानी खेळी साकारली आणि भारताला ३०० चा टप्पा पार करून दिला.

झिम्बाब्वेचा डाव २०७ धावांवर आटोपला –

For her magnificent, match-defining 8th ODI century, @ImHarmanpreet takes home the Player of the Match award 👏

Relive her knock ▶️ https://t.co/gOyvDxoH6A

#TeamIndia | #INDvZIM | @mflone_ https://t.co/TPJ1dAT590

— BCCI Women (@BCCIWomen) October 25, 2026

प्रत्युत्तरात ३२९ धावांच्या महाकाय आव्हानाचा पाठलाग करताना झिम्बाब्वेचा संघ भारतीय आक्रमणासमोर निष्प्रभ ठरला. संपूर्ण संघ ४८.५ षटकांत २०७ धावांत गारद झाला. झिम्बाब्वेकडून यष्टिरक्षक मोडेस्टर मुपाचिक्वाने सर्वाधिक ४९ धावांची झुंज दिली, तर चिपों मुगेरी-तिरीपानोने ४६ धावांचे योगदान दिले. याशिवाय बिलव्हड बीजाने ३४ आणि कर्णधार जोसेफिन नकोमोने २० धावा केल्या; मात्र त्यांना मोठ्या डावात रूपांतर करता आले नाही.

वैष्णवी शर्माची भेदक गोलंदाजी; घेतल्या ४ विकेट्स –

Spin bowling at its absolute finest 🎬

🎥 Relive the best from Vaishnavi Sharma’s match-winning 4/39 👏

Scorecard ▶️ https://t.co/ECnfLgdfi7

#TeamIndia | #INDvZIM | @mflone_ https://t.co/abitnR2mtv

— BCCI Women (@BCCIWomen) October 25, 2026

भारताकडून गोलंदाजीत युवा फिरकीपटू वैष्णवी शर्मा हिने अप्रतिम मारा करत झिम्बाब्वेच्या फलंदाजीचे कंबरडे मोडले. तिने मोडेस्टर मुपाचिक्वा, बिलव्हड बीजा, जोसेफिन नकोमो आणि मिशेल मावुंगा या चार प्रमुख फलंदाजांना बाद करत आपल्या खात्यात ४ महत्त्वपूर्ण विकेट्सची नोंद केली.

हेही वाचा – Deepti Sharma Century : दीप्ती शर्माची ऐतिहासिक खेळी! वादळी शतक ठोकत रचला नवा इतिहास; अशी कामगिरी करणारी पहिलीच भारतीय

दीप्ती शर्माचा अष्टपैलू धमाका –

Deepti Sharma goes back-2️⃣-back 👊

Updates ▶️ https://t.co/ECnfLgdfi7

#TeamIndia | #INDvZIM | @mflone_ | @Deepti_Sharma06 https://t.co/Hk9n8Upr7W

— BCCI Women (@BCCIWomen) October 25, 2026

बॅटने नाबाद १०६ धावा कुटल्यानंतर दीप्ती शर्माने चेंडूनेही कमाल दाखवली. तिने अचूक टप्प्यावर मारा करत झिम्बाब्वेच्या खालच्या फळीतील तीन फलंदाजांना तंबूत धाडले. दीप्तीने फलंदाजीत शतक आणि गोलंदाजीत ३ विकेट्स अशी अष्टपैलू कामगिरी करत भारताच्या १२१ धावांच्या विजयावर शिक्कामोर्तब केले.