Deepti Sharma Hits Century in 2nd ODI vs Zimbabwe Creates History : भारतीय महिला क्रिकेट संघ आणि झिम्बाब्वे यांच्यात खेळल्या जात असलेल्या दुसऱ्या एकदिवसीय सामन्यात अष्टपैलू दीप्ती शर्मा हिने आपल्या बॅटने मैदानात वादळ निर्माण केले. विरोधी गोलंदाजीची पिसे काढत दीप्तीने अवघ्या ८६ चेंडूंत १५ चौकारांच्या मदतीने नाबाद १०६ धावांची तुफानी खेळी साकारली. १२३.२६ च्या उत्कृष्ट स्ट्राईक रेटने खेळताना तिने तेंडाई मकुशाच्या चेंडूवर चौकार ठोकत आपले शतक पूर्ण करत विक्रमालाही गवसणी घातली आहे. तिच्या या शतकी खेळीच्या जोरावर भारताने ५० षटकांत ६ बाद ३२८ धावांचा भक्कम डोंगर उभा केला.

तब्बल ९ वर्षांच्या प्रदीर्घ प्रतीक्षेनंतर दुसरे वनडे शतक –

दीप्ती शर्माच्या एकदिवसीय आंतरराष्ट्रीय कारकिर्दीतील हे दुसरे शतक ठरले आहे. तिने हे शतक तब्बल ९ वर्षांच्या मोठ्या प्रतीक्षेनंतर ठोकले. यापूर्वी तिने आपले पहिले एकदिवसीय शतक १५ मे २०१७ रोजी आयर्लंडविरुद्ध दक्षिण आफ्रिकेत झळकावले होते. त्या सामन्यात तिने १६० चेंडूंत १८८ धावांची ऐतिहासिक खेळी साकारली होती. दीर्घ कालावधीनंतर दीप्तीने पुन्हा एकदा आपल्या बॅटची ताकद दाखवून देत शानदार पुनरागमन केले आहे.

नंबर ६ वर शतक ठोकणारी पहिलीच भारतीय महिला खेळाडू –

Worth every bit of the 9-year wait ⏳💯

📸 Frames from @Deepti_Sharma06’s spectacular 2️⃣nd ODI HUNDRED 👏

Relive her knock ▶️ https://t.co/qBYI8VitCB

#TeamIndia | #INDvZIM | @mflone_ https://t.co/KEu9f1WICq

— BCCI Women (@BCCIWomen) October 25, 2026

या शतकासह दीप्तीने भारतीय महिला क्रिकेटमध्ये नवा इतिहास रचला आहे. एकदिवसीय क्रिकेटमध्ये सहाव्या किंवा त्याहून खालच्या क्रमांकावर फलंदाजीला येऊन शतक ठोकणारी ती पहिलीच भारतीय महिला फलंदाज बनली आहे. या विक्रमात तिने रिचा घोषला मागे टाकले; रिचाने गेल्या वर्षी विशाखापट्टणम येथे दक्षिण आफ्रिकेविरुद्ध ९४ धावांची खेळी केली होती. कठीण परिस्थितीत मैदानावर येत नाबाद १०६ धावा कुटून दीप्तीने हा अनोखा विक्रम आपल्या नावावर कोरला.

हरमनप्रीत कौरचे १२६ तर प्रतिका रावलचे अर्धशतक –

Scenes to savour ✨

🎥 The moment Deepti Sharma brought up a truly magnificent HUNDRED 👏

Scorecard ▶️ https://t.co/ECnfLgdfi7

#TeamIndia | #INDvZIM | @mflone_ | @Deepti_Sharma06 https://t.co/AX48zKjWXe

— BCCI Women (@BCCIWomen) October 25, 2026

या सामन्यात भारताची माजी कर्णधार हरमनप्रीत कौर हिनेही १२१ चेंडूंत १५ चौकारांसह १२६ धावांचे अफलातून शतक ठोकले. हरमनप्रीत आणि दीप्ती या दोघींच्या शतकी भागीदारीमुळे भारताने सामन्यावर पूर्ण पकड मिळवली. याशिवाय सलामीवीर प्रतिका रावलने ६७ चेंडूंत ४ चौकार आणि २ षटकारांच्या जोरावर ६१ धावांची उपयुक्त खेळी केली. या तिघींच्या शानदार फलंदाजीने संघाला सावरले.

हेही वाचा – Harmanpreet Kaur Century : कर्णधारपद सोडल्यानंतर हरमनप्रीत कौरचे पहिलेच वादळी शतक; मिताली राजचा मोडला विक्रम

आघाडीची फळी ढेपाळली; भारताचा ३२८ धावांचा डोंगर –

Innings Break!

Scintillating centuries from Vice-captain Deepti Sharma and Harmanpreet Kaur power #TeamIndia 👏🫡

Scorecard ▶️ https://t.co/ECnfLgdfi7

#INDvZIM | @mflone_ https://t.co/zyYJx9cH0w

— BCCI Women (@BCCIWomen) October 25, 2026

भारताची सुरुवात मात्र अत्यंत निराशाजनक झाली होती. कर्णधार स्मृती मानधना शून्यावर बाद झाली, तर शफाली वर्मा (८), तेजल हसबनीस (३) आणि रिचा घोष (७) स्वस्तात तंबूत परतल्या. मात्र, मधल्या फळीत हरमनप्रीत आणि दीप्तीच्या शतकांमुळे, तसेच अखेरीस सायली सातघरेच्या नाबाद ३ धावांमुळे भारताने ५० षटकांत ३२८ धावा कुटल्या आणि झिम्बाब्वेसमोर विजयासाठी ३२९ धावांचे मोठे आव्हान ठेवले.