India will help । इराणमध्ये अडकलेल्या नेपाळी आणि श्रीलंकेच्या नागरिकांना बाहेर काढण्यासाठी भारत मोठी मदत करणारआहे . ऑपरेशन सिंधू अंतर्गत, भारत या दोन्ही देशांतील लोकांना इराणमधून बाहेर काढेल आणि त्यांना सुरक्षित ठिकाणी घेऊन जाणार असल्याचे सांगण्यात येत आहे. दिल्लीतील अधिकाऱ्यांनी याला ‘नेबरहूड फर्स्ट पॉलिसी’चे उदाहरण म्हणून वर्णन केले. यामध्ये संकटाच्या वेळी आपल्या शेजाऱ्यांना मदत केली जाते.

तेहरानमधील भारतीय दूतावासाने सोशल मीडियावर पोस्ट करत, ‘नेपाळ आणि श्रीलंकेच्या सरकारच्या विनंतीनुसार, इराणमधील भारतीय दूतावासाच्या स्थलांतर प्रयत्नांमध्ये नेपाळ आणि श्रीलंकेच्या नागरिकांनाही सामील केले जाईल.’ असे म्हटले आहे. तसेच ‘नेपाळ आणि श्रीलंकेचे नागरिक तात्काळ टेलिग्राम चॅनेल किंवा आपत्कालीन क्रमांकांवर +989010144557; +989128109115; +989128109109 वर दूतावासाशी संपर्क साधू शकतात.’असे म्हणत मदतीसाठी क्रमांक दिले आहेत.

नेपाळने मदतीसाठी भारताचे आभार मानले India will help । 
नेपाळच्या परराष्ट्र मंत्री अर्जू राणा देऊबा यांनी काठमांडूच्या वतीने कृतज्ञता व्यक्त केली आहे. त्यांनी सोशल मीडियावरील एका पोस्टमध्ये त्यांनी परराष्ट्र मंत्री एस जयशंकर यांचे इराणमधून नेपाळी नागरिकांना बाहेर काढण्यात भारताच्या मदतीबद्दल आभार मानले. ते म्हणाले, ‘नेपाळच्या निर्वासन प्रयत्नांना भारताचा पाठिंबा नेपाळ-भारत संबंधांच्या बळकटीचे प्रतिबिंब आहे.’ एक इंग्रजी वर्तमानपत्राने दिलेल्या माहितीनुसार, “सुमारे १६ नेपाळी नागरिक दिल्लीतील नेपाळी दूतावासाच्या संपर्कात आहेत” असे म्हटले आहे.

श्रीलंकेने भारताचे आभार मानले India will help । 

श्रीलंकेच्या परराष्ट्र मंत्रालयाने एका पोस्टमध्ये म्हटले आहे की, ‘भारतीय नागरिकांना तसेच श्रीलंकेच्या नागरिकांना इराणमधून बाहेर काढण्यात वेळेवर मदत केल्याबद्दल श्रीलंका भारत सरकारचे मनापासून आभार मानतो. एकतेचे हे कृत्य श्रीलंका आणि भारत यांच्यातील मजबूत आणि चिरस्थायी भागीदारीचे उदाहरण देते आणि श्रीलंकेच्या लोकांनी त्याचे खूप कौतुक केले आहे.’ आतापर्यंत एकूण ८२७ भारतीयांना इराणमधून बाहेर काढण्यात आले आहे.

MEA चे प्रवक्ते रणधीर जयस्वाल म्हणाले, ‘२१ जून रोजी मशहादहून ३१० भारतीय नागरिकांना घेऊन जाणारे आणखी एक विमान दुपारी ४.३० वाजता नवी दिल्लीत पोहोचले. यासह, एकूण ८२७ भारतीयांना बाहेर काढण्यात आले आहे. इस्रायलशी युद्ध तीव्र झाल्यामुळे इराणमधून बाहेर काढण्यात आलेल्या सुमारे २९० भारतीय नागरिकांचा एक गट शुक्रवारी रात्री उशिरा आणि शनिवारी पहाटे दिल्लीत पोहोचला. बुधवारी भारताने इराणमधून आपल्या नागरिकांना बाहेर काढण्यासाठी ऑपरेशन सिंधू सुरू करण्याची घोषणा केली.

ऑपरेशन सिंधू अंतर्गत बाहेर काढण्यात आलेल्या ११० भारतीय नागरिकांची पहिली तुकडी गुरुवारी भारतात पोहोचली. सुरक्षित ठिकाणी नेण्यापूर्वी त्यांनी पाहिलेल्या भयानक दृश्यांचे वर्णन अनेकांनी केले. दिल्लीने तेहरानला ईशान्येकडील मशहद शहरातून सुमारे १,००० भारतीयांना बाहेर काढण्यासाठी इराणी हवाई क्षेत्र उघडण्यास राजी केले. सूत्रांनी सांगितले की, अनेक दिवसांच्या चर्चेनंतर दिल्लीने आपल्या नागरिकांना मशहदला पाठवले आणि भारतीयांना धोक्यापासून वाचवण्यासाठी इराण आणि तुर्कमेनिस्तानमधून उड्डाण करण्याची परवानगी मिळवली.