India Men Clinch Commonwealth Kabaddi Championship Title 2026 : पहिल्यावहिल्या कॉमनवेल्थ कबड्डी चॅम्पियनशिप २०२६ (Commonwealth Kabaddi Championship 2026) च्या अंतिम सामन्यात भारतीय पुरुष संघाने श्रीलंकेचा ५४-२० असा एकतर्फी फडशा पाडत विजेतेपदावर नाव कोरले. या ऐतिहासिक विजयासह भारताने दुहेरी मुकुट पटकावला आहे, कारण आजच भारतीय महिला संघानेही युगांडाचा ३५-१५ ने पराभव करत सुवर्णपदक पटकावले होते. संपूर्ण स्पर्धेत अपराजित राहत भारताच्या पुरुष आणि महिला अशा दोन्ही संघांनी आपले जागतिक वर्चस्व पुन्हा एकदा सिद्ध केले.

आदित्य शिंदेचा सुपर टेन ; भरत हुड्डाची अजेय घोडदौड –

भारताच्या या दिमाखदार विजयात आदित्य शिंदे सर्वात मोठा मॅचविनर ठरला. त्याने १४ चढायांमध्ये ४ बोनस गुणांसह तब्बल १० रेड पॉईंट्स मिळवत ‘सुपर टेन’ पूर्ण केला. दुसऱ्या हाफमध्ये मैदानात उतरलेल्या भरत हुड्डाने अवघ्या ७ चढायांमध्ये ८ गुण वसूल केले आणि विशेष म्हणजे त्याला एकदाही पकडण्यात श्रीलंकेला यश आले नाही. याशिवाय पंकज मोहितेने ६ आणि उपकर्णधार नवीन कुमारने ५ गुणांचे मोलाचे योगदान दिले.

योगेश दहियाचा ‘हाय-5’; डिफेन्समध्ये श्रीलंकेची कोंडी

UNSTOPPABLE TEAM INDIA! 🤩😍

Indian Men’s Team bag the GOLD MEDAL as they beat Sri Lanka in the final! 🥇👏

#CommonwealthKabaddiChampionship 2026 | LIVE NOW 👉 https://t.co/8jknyOGZJl | #CWKC 2026 https://t.co/HFdFe6fow1

— Star Sports (@StarSportsIndia) October 31, 2026

भारतीय बचावफळीने श्रीलंकेच्या चढाईपटूंना अक्षरशः निष्प्रभ केले. डिफेन्समध्ये योगेश दहियाने पहिल्याच हाफमध्ये ५ पैकी ५ यशस्वी टॅकल करत ‘हाय-5’ नोंदवला. शुभम शिंदे, कर्णधार सुरजीत सिंग, प्रवेश मलिक आणि दीपक शंकर यांनी प्रत्येकी २ गुण घेतले. भारताने सामन्यात ३० रेड आणि १४ टॅकल पॉईंट्स मिळवले, तसेच श्रीलंकेला चार वेळा ऑल-आऊट केले. दुसरीकडे, श्रीलंकेकडून मधुवंताने सर्वाधिक ६ टॅकल पॉईंट्स मिळवले; मात्र उपांत्य फेरीत चमकलेले श्रीलंकेचे चढाईपटू अंतिम सामन्यात ३१ चढायांत केवळ ५ गुणच मिळवू शकले.

पहिल्या हाफमध्येच ३०-१० अशी अभेद्य आघाडी –

India thrashed Sri Lanka in men’s final to win the inaugural Commonwealth Kabaddi Championship 2026 🇮🇳 🏆

#Kabaddi | #CommonwealthKabaddiChampionship | #IndianKabaddi https://t.co/9jjqZiFMaU

— Khel Kabaddi (@KhelNowKabaddi) October 31, 2026

सामन्याच्या पहिल्या १० मिनिटांत भारत १५-८ असा पुढे होता. त्यानंतर भारताने श्रीलंकेवर वर्चस्व राखत पहिल्या हाफच्या अखेरीस ३०-१० अशी २० गुणांची भक्कम आघाडी घेतली. पहिल्या हाफमध्ये श्रीलंकेच्या २१ चढायांपैकी केवळ दोनच चढाया यशस्वी ठरल्या, तर भारताच्या बचावफळीने १० पैकी ९ प्रयत्नांत अचूक पकड केली. दुसऱ्या हाफमध्येही भारताने दोनदा ऑल-आऊट करत २४-१० ने आघाडी वाढवली आणि ५४-२० अशा प्रचंड फरकाने विजय साकारला.

हेही वाचा – India Women Kabaddi : पहिल्याच कॉमनवेल्थ कबड्डी स्पर्धेत भारतीय महिला संघाचा डंका! युगांडावर ३५-१५ ने मात करत जेतेपदावर कोरलं नाव

८ सामन्यांत ८ दणदणीत विजय; संपूर्ण स्पर्धेत भारत अजिंक्य

🚨 INDIA ARE THE CHAMPIONS 🚨

INDIA MEN’S TEAM ALSO WON GOLD🥇IN COMMONWEALTH KABADDI CHAMPIONSHIPS

After Women’s Team, India Men’s Team also bagged the Title 🏆 as we beat Sri Lanka in the finals by 54-20 🔥❤️💙😤 https://t.co/euE7ucLNA5

— SPORTS ARENA🇮🇳 (@SportsArena1234) October 31, 2026

भारताने या संपूर्ण स्पर्धेत सलग ८ सामने जिंकून निर्विवाद वर्चस्व गाजवले. गट फेरीत इंग्लंड, युगांडा, मलेशिया, नायजेरिया, टांझानिया आणि श्रीलंकेला धूळ चारल्यानंतर भारताने उपांत्य फेरीत बांगलादेशचा ५६-२७ असा फडशा पाडला होता. संपूर्ण स्पर्धेत भारताने ३८० गुण मिळवले, तर एकाही प्रतिस्पर्धी संघाला भारताविरुद्ध ३० पेक्षा जास्त गुण मिळवता आले नाहीत. सामन्यानंतर आदित्य शिंदेने अहमदाबादच्या क्रीडारसिकांचे आभार मानत भव्य जल्लोष साजरा केला.