IND vs SL T20 Series : भारतीय स्टार खेळाडूंच्या निवृत्तीचा फायदा घ्या – सनथ जयसूर्या
पल्लेकेले – भारताच्या रोहित शर्मा आणि विराट कोहलीसारख्या स्टार खेळाडूंनी टी-२० विश्वकरंडक स्पर्धेनंतर निवृत्ती घेतली आहे. हे दोन्हही खेळाडू अत्यंत प्रतिभावान होते. त्यात, या स्टार खेळाडूंच्या गैरहजेरीचा श्रीलंका टी-२० संघाने फायदा घेतला पाहिजे, असे मत श्रीलंकेचे अंतरिम मुख्य प्रशिक्षक सनथ जयसूर्या यांनी बुधवारी मांडले.
यासह, आयपीएल संघ राजस्थान रॉयल्सचे उच्च कार्यप्रदर्शन संचालक झुबिन भरुचा यांनी भारताविरुद्धच्या आगामी टी-20 मालिकेच्या तयारीसाठी आपल्या फलंदाजांना मदत केली आहे, आणि मला आशा आहे, याचा आमच्या संघाला नक्कीच फायदा होईल असेही त्यांनी पुढे म्हटले आहे.
27 जुलैपासून येथे श्रीलंकेविरुद्ध टी-20 मालिका सुरू होणार आहे. तसेच, यावेळी जयसूर्याने खुलासा केला की श्रीलंकेचे काही खेळाडू लंका प्रीमियर (एलपीएल) लीगशी संबंधित असून, त्यांनीच भरुचासोबत सहा दिवसीय शिबिर आयोजित केले होते.
एलपीएलनंतर लगेच हा दौरा आयोजित करण्यात आला. ज्यावेळी, बहुतेक खेळाडू एलपीएलमध्ये खेळत होते त्यामुळे ते क्रिकेटमध्ये व्यस्त होते आणि त्यांनी जास्तीत जास्त क्रिकेट खेळावे अशी आमची इच्छा होती.
नवे तंत्र, नवा दृष्टीकोण हवा
आमच्याकडे टी-२० मालिका सुरू होण्यापूर्वी कँडीमध्ये आणखी दोन दिवस आहेत. त्यात, भरुचासोबतचे सत्र खूप तीव्र होते आणि खेळाडूंना त्यांच्याकडून खूप काही शिकायला मिळाले.कारण, सध्या आंतरराष्ट्रीय क्रिकेटपटूंनी नवीन तंत्र, नवीन दृष्टिकोन शिकणे आणि नवीन फटके मारणे महत्त्वाचे आहे जेणेकरून ते प्रभावी होऊ शकतील, त्यामुळे आमचा संघ नक्कीच चांगली कामगिरी करेल.
