IND vs SA Test Series : भारताला मोठा धक्का, युवा सलामीवीर द. आफ्रिकेविरुद्धच्या कसोटी मालिकेतून बाहेर…
IND vs SA Test Series, Ruturaj Gaikwad : भारत आणि दक्षिण आफ्रिका यांच्यात 26 डिसेंबरपासून कसोटी मालिका खेळवली जाणार आहे. टीम इंडिया आणि दक्षिण आफ्रिका यांच्यातील मालिकेतील पहिला सामना सेंच्युरियनमध्ये खेळवला जाणार आहे. याआधी विराट कोहली कौटुंबिक कारणासाठी भारतात परतला आहे तर दुसरीकडे रुतुराज गायकवाड कसोटी मालिकेतून बाहेर झाला आहे. गायकवाड दुखापतीशी झुंजत असून तो अद्याप तंदुरुस्त झालेला नाही.
भारत आणि दक्षिण आफ्रिका यांच्यातील दुसऱ्या एकदिवसीय सामन्यादरम्यान रुतुराजला दुखापत झाली होती. त्याच्या बोटाला दुखापत झाली आहे. गायकवाड दुखापतीतून पूर्णपणे सावरलेला नाही. सध्या तो बीसीसीआयच्या वैद्यकीय पथकाच्या देखरेखीखाली आहे. भारत आणि दक्षिण आफ्रिका यांच्यातील पहिली कसोटी सुरू होण्यासाठी फारच कमी वेळ शिल्लक आहे आणि तोपर्यंत त्याची दुखापत बरी होणार नाही. याच कारणामुळे गायकवाड याला मालिकेतून वगळण्यात आले आहे.
IND vs SA Test Series : कसोटी मालिकेपूर्वी विराट कोहली आफ्रिकेतून परतला भारतात, समोर आलं ‘हे’ कारण…
महाराष्ट्राचा स्टार फलंदाज ऋतूराज गायकवाड याचीही भारताच्या कसोटी संघात निवड झाली होती. मात्र, दक्षिण आफ्रिकेविरुद्धच्या 19 डिसेंबरला झालेल्या एकदिवसीय लढतीत त्याच्या बोटाला दुखापत झाली. ही दुखापत अद्याप पूर्ण बरी झालेली नसल्याने त्याला कसोटी मालिकेतून माघार घ्यावी लागत आहे. त्यामुळे तो शनिवारी मायदेशी परतणार असल्याचे बीसीसीआयने म्हटले आहे.
दरम्यान, या मालिकेसाठी भारताने युवा फलंदाज यशस्वी जैस्वाल आणि शुभमन गिल यांचाही संघात समावेश केला आहे. इशान किशनलाही स्थान देण्यात आले. मात्र ईशानने या मालिकेतून आपले नाव काढून घेतले होते. त्यामुळे त्याच्या जागी केएस भरतला टीम इंडियात स्थान देण्यात आले आहे.
