Sakshi Dhoni Video Viral at Wankhede : वानखेडे स्टेडियमवर भारत आणि इंग्लंड यांच्यात रंगलेल्या अटीतटीच्या सामन्यात गुरुवारी (५ मार्च) अखेरच्या षटकापर्यंत थरार पाहायला मिळाला. या सामन्यात भारताने इंग्लंडचा ७ धावांनी पराभव करत सलग दुसऱ्यांदा अंतिम फेरीत प्रवेश केला आहे. या हाय-व्होल्टेज सामन्याचा आनंद घेण्यासाठी माजी भारतीय कर्णधार महेंद्रसिंग धोनी  पत्नी साक्षीसोबत व्हीआयपी बॉक्समध्ये उपस्थित होता. सामन्यादरम्यान साक्षीचा एक व्हिडीओ तुफान व्हायरल होत आहे.

नेमकं काय घडलं? (तो मजेशीर प्रसंग)  (Sakshi Dhoni Video) 

इंग्लंडचा संघ २५४ धावांच्या विशाल लक्ष्याचा पाठलाग करत असताना १८ व्या षटकात एक रंजक घटना घडली. जसप्रीत बुमराहने आपल्याच गोलंदाजीवर सॅम करनचा एक फॉलो थ्रोमध्ये पकडला. हा चेंडू एक टप्पा (वन बाऊन्स) घेऊन बुमराहच्या हातात आला होता. मात्र, व्हीआयपी बॉक्समध्ये बसलेल्या साक्षी धोनीला वाटले की बुमराहने कॅच पकडला आहे आणि तिने आनंदाच्या भरात उड्या मारुन जल्लोष करायला सुरुवात केली.(Sakshi Dhoni Video) 

Every Team India fan after watching Jasprit Bumrah’s masterclass! 🇮🇳🔥

ICC Men’s #T20WorldCup 👉🏻 FINAL | #INDvNZ | SUN, 8th MAR, 5:30 PM pic.twitter.com/My9xx2WPyt

— Star Sports (@StarSportsIndia) March 6, 2026

साक्षीला जल्लोष करताना पाहून धोनीने अत्यंत शांतपणे आणि मजेशीर पद्धतीने तिला ‘शांत हो, तो आउट नाहीये’ असा इशारा केला. धोनीची ही रिॲक्शन पाहून तिथे उपस्थित असलेले रोहित शर्मा आणि इतर सेलिब्रिटींनाही हसू अनावर झाले. या घटनेचा व्हिडीओ इंटरनेटवर तुफान व्हायरल होत असून चाहते धोनीच्या ‘कूल’ अंदाजाचे कौतुक करत आहेत.

सामन्याचा थोडक्यात आढावा –  

• भारत: २० षटकांत २५३/७ (संजू सॅमसन ८९, शिवम दुबे ४३).
• इंग्लंड: २० षटकांत २४६/७ (जेकब बेथेल १०५ धावा).
• निकाल: भारत ७ धावांनी विजयी.

आता फायनलचा थरार!

उपांत्य फेरीत इंग्लंडचा काटा काढल्यानंतर आता टीम इंडियाचा मुकाबला रविवारी (८ मार्च) अहमदाबादच्या नरेंद्र मोदी स्टेडियमवर न्यूझीलंडविरुद्ध होणार आहे. २०१५ आणि २०१९ च्या जखमा भरून काढण्यासाठी भारतीय संघाकडे ही सुवर्णसंधी आहे.

हेही वाचा – Sanju Samson statement : “तो नसता तर मी आज इथे उभा नसतो…; फायनलमध्ये पोहोचल्यानंतर संजू सॅमसनचं काळजाला भिडणारं विधान!

धोनी पुन्हा मैदानात उतरणार! (Sakshi Dhoni Video )

महेंद्रसिंग धोनी जरी आंतरराष्ट्रीय क्रिकेटमधून निवृत्त झाला असला, तरी आयपीएल २०२६ मध्ये तो पुन्हा एकदा चेन्नई सुपर किंग्स (CSK) कडून खेळताना दिसणार आहे. धोनीने यासाठी सरावही सुरू केला असून थालाच्या मैदानावरील एन्ट्रीची चाहते आतुरतेने वाट पाहत आहेत.