IND vs AUS 5th Test : मेलबर्नमधील रोमहर्षक कसोटीनंतर भारत आणि ऑस्ट्रेलियाचे संघ आता सिडनीमध्ये आमनेसामने येणार आहेत. चौथ्या कसोटीच्या पाचव्या दिवशी सामना अनिर्णितकडे जात होता, पण कांगारू गोलंदाजांनी जोरदार पलटवार करत एकाच सत्रात भारताच्या सात विकेट्स घेत सामना जिंकला.भारताच्या या अनपेक्षित पराभवामुळे अनेक प्रश्न निर्माण झाले आहेत. जर संघाला बॉर्डर-गावस्कर मालिकेची ट्राफी कायम ठेवायची असेल, तर सिडनीमध्ये कोणत्याही परिस्थितीत विजय मिळवावा लागेल.

दोन्ही संघांमधील हा सामना 3 जानेवारीपासून सुरू होणार आहे. या सामन्यात भारत अनेक बदल करू शकतो. बॉर्डर-गावसकर ट्रॉफीमध्ये भारताचा अनुभवी फलंदाज केएल राहुल हा टॉप ऑर्डरचा फलंदाज म्हणून अपवादात्मक ठरला आहे. कर्नाटकच्या फलंदाजाने पर्थ कसोटीत यशस्वी जैस्वालसह डावाची सुरुवात केली आणि रोहित शर्माच्या अनुपस्थितीत दोघांनी मोठी भागीदारी रचली. पण मेलबर्नमध्ये त्याच्या जागी रोहितला मैदानात उतरवण्यात आलं. मात्र, संघाची ही खेळी फोल ठरली, जिथे संघाला दारुण पराभवाला सामोरे जावे लागले.

रोहितबाबत मोठा निर्णय घेऊ शकतो संघ…

संपूर्ण मालिकेत भारताचा कर्णधार रोहितला त्याच्या फलंदाजी आणि कर्णधारपदासाठी खूप टीकेला सामोरे जावे लागले आहे. यामुळे रोहितला सिडनी कसोटीतून बाहेर ठेवण्याचा आणि मेलबर्नमध्ये न खेळलेल्या शुभमन गिलला संधी देण्याचा संघ कठोर निर्णय घेऊ शकतो. रोहितप्रमाणेच विराट कोहलीही पहिल्या कसोटीत शतक झळकावल्यानंतर धावांसाठी संघर्ष करत आहे. त्यामुळे त्याचा आत्मविश्वासही डळमळीत झाला आहे. मात्र, संघाकडून त्याला बाहेर ठेवण्याची फारशी आशा नाही.

सिराजला मिळू शकतो डच्चू…

सिडनी कसोटीसाठी वेगवान गोलंदाज मोहम्मद सिराजलाही भारताच्या प्लेइंग इलेव्हनमधून वगळले जाऊ शकते. संपूर्ण मालिकेत त्याला भरपूर संधी मिळाल्या आहेत, पण त्याची कामगिरी काही विशेष झाली नाही. त्यांचा गोलंदाजीचा इकॉनमी रेट हा भारतासाठी सर्वात मोठा चिंतेचा विषय आहे. त्याच्या जागी संघ हर्षित राणा किंवा प्रसिद्ध कृष्णाला संधी मिळू शकते.

भारताचा आणखी एक वेगवाग गोलंदाज आकाशदीप सिंगची चौथ्या कसोटीत  कामगिरी संमिश्र राहिली आहे. त्याने पहिल्या डावात 26 षटकात 94 धावा देत 2 गडी बाद केले होते, मात्र दुसऱ्या डावात त्याला एकही फलंदाज बाद करता आला नाही. यादरम्यान त्याने 17 षटके टाकताना 53 धावा दिल्या.

Rohit Sharma Captaincy : अवघ्या 6 महिन्यात हिरोचा झाला झिरो..! कर्णधार रोहितच्या नावावर लाजीरवाणा विक्रम, थेट रिटायरमेंट पर्यत पोहचली चर्चा…

एकदर पाहता भारतीय कर्णधार रोहित शर्मा, वेगवान गोलंदाज मोहम्मद सिराज आणि आकाशदीप सिंग यांना प्लेइंग इलेव्हनमधून वगळले जाऊ शकते. त्याचबरोबर या खेळाडूंच्या जागी प्रसिध कृष्णा, हर्षित राणा आणि शुभमन गिल यांचा प्लेईंग इलेव्हनमध्ये समावेश केला जाऊ शकतो.

सिडनी कसोटीसाठी टीम इंडियाची संभाव्य Playing 11 खालीलप्रमाणे…

केएल राहुल, यशस्वी जायसवाल, शुभमन गिल, विराट कोहली, ऋषभ पंत, रवींन्द्र जडेजा, नीतीश कुमार रेड्डी, वाशिंगटन सुंदर, हर्षित राणा, जसप्रीत बुमराह आणि प्रसिद्ध कृष्णा.