IND vs AFG Test : भारत-अफगाणिस्तान कसोटीबद्दल महत्त्वाची अपडेट! मोबाईल अन् टीव्हीवर ‘या’ ठिकाणी ‘फ्री’मध्ये पाहता येणार लाईव्ह मॅच
IND vs AFG Test : भारत आणि अफगाणिस्तान यांच्यातील एकमेव कसोटी सामना ६ जूनपासून खेळला जाईल. चला तर मग जाणून घेऊया की हा सामना केव्हा, कुठे आणि कसा थेट व विनामूल्य पाहता येईल.
IND vs AFG Test Match 2026 Live Streaming Details : भारत आणि अफगाणिस्तान यांच्यातील एकमेव कसोटी सामन्याचा बिगुल अखेर वाजला आहे. शनिवार, ६ जूनपासून न्यू चंदीगड येथील महाराजा यादविन्द्र सिंह आंतरराष्ट्रीय क्रिकेट स्टेडियमवर या ऐतिहासिक लढतीला सुरुवात होत आहे. युवा फलंदाज शुबमन गिलच्या कप्तानीखाली खेळणाऱ्या टीम इंडियाविरुद्ध हशमतुल्लाह शाहिदीचा अफगाणिस्तान संघ भिडण्यासाठी सज्ज झाला आहे. हा सामना लाईव्ह घरबसल्या ‘फ्री’मध्ये पाहता येणार आहे.
सामना कधी, कुठे आणि किती वाजता सुरू होणार?
भारत आणि अफगाणिस्तान यांच्यातील हा एकमेव कसोटी सामना ६ जून (शनिवार) ते १० जून (बुधवार) दरम्यान खेळवला जाईल. भारतीय वेळेनुसार, सामन्याचा खेळ दररोज सकाळी ९:३० वाजता सुरू होईल, तर सकाळी ९:०० वाजता नाणेफेक (टॉस) होईल.
टीव्ही आणि मोबाईलवर ‘फ्री’मध्ये कुठे पाहायची लाईव्ह मॅच?
- टीव्हीवर लाईव्ह प्रसारण : या सामन्याचे दूरदर्शनवर थेट प्रक्षेपण स्टार स्पोर्ट्स नेटवर्कच्या विविध चॅनेल्सवर केले जाईल.
- मोबाईलवर लाईव्ह स्ट्रीमिंग : डिजिटल विश्वात हा सामना चाहत्यांना जियो हॉटस्टार ॲप आणि वेबसाईटवर पाहता येईल. याद्वारे तुम्ही मोबाईल, लॅपटॉप आणि स्मार्ट टीव्हीवर सामन्याचा आनंद घेऊ शकता.
- ‘फ्री’मध्ये कुठे पाहाणार? सर्वात महत्त्वाची गूड न्यूज म्हणजे, ज्या क्रिकेटप्रेमींच्या घरी केबल किंवा सॅटेलाइट टीव्ही नाही, ते दूरदर्शनच्या ‘डीडी फ्री डिश’वर हा सामना पूर्णपणे मोफत पाहू शकतात.
दोन्ही देशांचे संघ:
DD Sports to telecast One-off Test between India and Afghanistan. pic.twitter.com/RZI64w2neS
— Maina Singh (@Maina_Singhx77) June 5, 2026
भारतीय संघ: शुबमन गिल (कर्णधार), यशस्वी जैस्वाल, केएल राहुल (उपकर्णधार), साई सुदर्शन, ऋषभ पंत (यष्टीरक्षक), ध्रुव जुरेल (यष्टीरक्षक), देवदत्त पडिक्कल, नितीश कुमार रेड्डी, वॉशिंग्टन सुंदर, कुलदीप यादव, मोहम्मद सिराज, प्रसिद्ध कृष्णा, मानव सुथार, गुरनूर बराड आणि हर्ष दुबे.
अफगाणिस्तान संघ: हशमतुल्लाह शाहिदी (कर्णधार), अब्दुल मलिक, सेदिकुल्लाह अटल, रहमत शाह, रहमानुल्लाह गुरबाझ, रहमानुल्लाह झाद्रान, अफसर झझई (यष्टीरक्षक), इकराम अलीखिल (यष्टीरक्षक), अजमतुल्लाह ओमरझई, शराफुद्दीन अशरफ, नांग्याल खारोताई, कैस अहमद, बिलाल सामी, जिया शरीफी आणि सलीम सफी.
