IND A vs SL A 1st Unofficial Test Day 1 Sai Sudharsan Century : श्रीलंकेत पार पडलेली एकदिवसीय तिरंगी मालिका जिंकल्यानंतर ‘इंडिया अ’ संघाने आता अनधिकृत कसोटी मालिकेतही आपला दबदबा निर्माण केला आहे. दोन सामन्यांच्या मालिकेतील पहिल्या सामन्याच्या पहिल्याच दिवशी साई सुदर्शनच्या शतकी खेळीच्या जोरावर भारतीय संघाने श्रीलंका ‘अ’ संघाला पूर्णपणे बॅकफूटवर ढकलले आहे. पहिल्या दिवसाचा खेळ संपला तेव्हा भारताने ४ बाद ३३३ धावा कुटल्या आहेत. जुरेलने टॉस जिंकून पहिल्यांदा फलंदाजी करण्याचा घेतलेला निर्णय फलंदाजांनी योग्य ठरवला.

साई सुदर्शनचे नववे प्रथम श्रेणी शतक –

नाणेफेक जिंकून प्रथम फलंदाजीसाठी उतरलेल्या भारताची सुरुवात दमदार झाली. सलामीवीर साई सुदर्शनने दमदार शतक झळकावले. त्याने १७५ चेंडूंत १९ चौकारांच्या मदतीने १३२ धावांची शानदार खेळी केली. २४ वर्षीय साईचे प्रथम श्रेणी क्रिकेटमधील हे ९ वे शतक आहे. त्याने आयुष पांडेसोबत (२५) पहिल्या विकेटसाठी ८२ धावांची भागीदारी केली. मात्र, देवदत्त पडिक्कल (१२) आणि ऋतुराज गायकवाड (२२) स्वस्तात बाद झाल्याने भारतीय संघाचा डाव काहीसा अडचणीत आला होता.

Sai Sudharsan – 132(175) vs SL A
Dhruv Jurel – 68*(138) vs SL A
Shaik Rasheed – 53*(92) vs SL A

Team India A scored 333/4 on the board vs Sri Lanka A on the first day of first unofficial Test pic.twitter.com/QZbkeDtlSm

— CricInformer (@CricInformer) June 25, 2026

कर्णधार जुरेल आणि शेख रशीदची शतकी भागीदारी –

Stumps on Day 1 ‼️

1⃣3⃣2⃣ from Sai Sudharsan
6⃣8⃣* from Dhruv Jurel
5⃣3⃣* from Shaik Rasheed

A superb opening day for India A as they finish on 3⃣3⃣3⃣/4 in Galle 🙌#SLAvINDA | 📸 SLC pic.twitter.com/QO7SLuvtYd

— BCCI (@BCCI) June 25, 2026

२१७ धावांवर साई सुदर्शनच्या रूपाने भारताला चौथा धक्का बसला. यानंतर कर्णधार ध्रुव जुरेल आणि युवा फलंदाज शेख रशीद यांनी डाव सावरला. पहिल्या दिवसाचा खेळ संपला तेव्हा ध्रुव जुरेल ६८ धावांवर तर २०२२ च्या अंडर-१९ विश्वचषक विजेता शेख रशीद ५३ धावांवर नाबाद होते. दोघांनी पाचव्या विकेटसाठी १९८ चेंडूंत ११६ धावांची महत्त्वपूर्ण नाबाद भागीदारी रचली आहे.

हेही वाचा – South Africa History : दक्षिण आफ्रिकेने रचला इतिहास! दक्षिण कोरियाला लोळवत पहिल्यांदाच गाठली फिफा विश्वचषकाची बाद फेरी

श्रीलंकेकडून दिलुम सुदिराने २ तर चमिका गुणसेकरा आणि रविंदु फर्नांडोने प्रत्येकी १ विकेट्स घेतली. विशेष म्हणजे, या सामन्यात जम्मू-काश्मीरचा वेगवान गोलंदाज औकीब नबी भारतासाठी पदार्पण करत आहे. रणजी ट्रॉफीमध्ये ‘प्लेअर ऑफ द टूर्नामेंट’ ठरलेल्या औकीबच्या गोलंदाजीकडे आता दुसऱ्या दिवशी सर्वांचे लक्ष असेल.