Bob Blair Death on his 94th Birthday : क्रिकेट जगतात केवळ आपल्या खेळानेच नव्हे, तर अद्भूत साहस, संघर्ष आणि क्रीडा भावनेने इतिहास घडवणारे न्यूझीलंडचे माजी वेगवान गोलंदाज बॉब ब्लेअर (Bob Blair) यांचे इंग्लंडमध्ये निधन झाले आहे. वयाच्या ९४ व्या वाढदिवशी त्यांनी जगाचा निरोप घेतला. न्यूझीलंड क्रिकेट बोर्डाने त्यांच्या निधनावर तीव्र शोक व्यक्त केला आहे. त्यांच्या स्मृतीप्रित्यर्थ इंग्लंडविरुद्ध नॉटिंघम येथे सुरू होणाऱ्या तिसऱ्या कसोटीच्या पहिल्या दिवशी न्यूझीलंडचा संपूर्ण संघ हाताला काळी पट्टी बांधून मैदानात उतरेल.

२३ हजार प्रेक्षक स्तब्ध झाले आणि प्रत्येकाचे डोळे पाणावले –

बॉब ब्लेअर यांनी १९५२ ते १९६४ दरम्यान न्यूझीलंडसाठी १९ कसोटींत ४३ विकेट्स घेतले, तर प्रथम श्रेणी क्रिकेटमध्ये ३३० विकेट्स पटकावल्या. परंतु, क्रिकेट इतिहास त्यांना १९५३ मधील दक्षिण आफ्रिकेविरुद्धच्या ‘एलिस पार्क’ कसोटीसाठी कायम लक्षात ठेवेल. त्या कसोटीच्या दुसऱ्या दिवशी २१ वर्षांच्या बॉब ब्लेअर यांना हॉटेलमध्ये बातमी मिळाली की, त्यांची मंगेतर नेरिसा लव्ह हिचा ख्रिसमसच्या पूर्वसंध्येला झालेल्या ‘टांगीवाई रेल्वे अपघातात’ (Tangiwai Rail Disaster) मृत्यू झाला आहे. या भीषण अपघातात १५१ लोकांचा बळी गेला होता.

Bob Blair, whose courage in the face of unimaginable grief became one of New Zealand sport’s most enduring stories, has passed away in England on his 94th birthday.

More | https://t.co/ulvE4L7pBY pic.twitter.com/gThNoT6uGn

— BLACKCAPS (@BLACKCAPS) June 24, 2026

वैयक्तिक आयुष्यात दुःखाचा डोंगर कोसळलेला असताना, ब्लेअर हॉटेलमध्ये शोक अनावर करत बसले होते. मात्र, मैदानात न्यूझीलंडचा ९ वा गडी बाद झाला आणि शेवटची जोडी बाकी असताना, बॉब ब्लेअर यांनी अश्रू पुसत देशासाठी मैदानात उतरण्याचा अभूतपूर्व निर्णय घेतला. जेव्हा ते फलंदाजीला आले, तेव्हा स्टेडियममधील २३ हजार प्रेक्षक स्तब्ध झाले आणि प्रत्येकाचे डोळे पाणावले. त्यांनी रुग्णालयातून पट्टी बांधून आलेल्या बर्ट सटक्लिफसोबत शेवटच्या विकेटसाठी ३३ धावा जोडल्या, ज्यात एका ओव्हरमध्ये २५ धावांचा जागतिक विक्रमही झाला. ब्लेअर बाद होऊन परतताना अख्खं स्टेडियम त्यांच्या सन्मानार्थ उभं राहून टाळ्या वाजवत होतं.

हेही वाचा – Vaibhav Separate Dressing : भारतीय क्रिकेटमध्ये पहिल्यांदाच घडणार! १५ वर्षांच्या वैभव सूर्यवंशीला मिळणार टीम इंडियापेक्षा ‘वेगळी’ ड्रेसिंग रूम

त्यांच्याच आठवणीत सुरू झाली ‘टांगीवाई शील्ड’

Everyone at Widnes Cricket Club is deeply saddened to learn of the passing of Club Legend Bob Blair, a former player, coach, and one of New Zealand cricket’s most respected figures.

Our thoughts are with Bob’s wife Barbara and their family.https://t.co/c1qOlFrXjv pic.twitter.com/ZYCVExKVKN

— Widnes Cricket Club (@WidnesCricket) June 24, 2026

बॉब ब्लेअर हे त्या ऐतिहासिक कसोटीतील न्यूझीलंडचे शेवटचे जिवंत खेळाडू होते. या घटनेचा आदर ठेवत २०२४ मध्ये न्यूझीलंड आणि दक्षिण आफ्रिका यांच्यातील कसोटी मालिकेसाठी ‘टांगीवाई शील्ड’ (Tangiwai Shield) या विशेष ट्रॉफीची सुरुवात करण्यात आली. निवृत्तीनंतर त्यांनी झिम्बाब्वे, ऑस्ट्रेलिया, इंग्लंडमध्ये कोचिंग दिले आणि वयाच्या ६० वर्षांनंतरही ते क्रिकेट खेळत राहिले. त्यांच्या जाण्याने क्रिकेटमधील एक सोनेरी आणि प्रेरणायुक्त अध्याय संपला आहे.