Opposition Leaders Meets : महिला आरक्षण कायद्याच्या (नारी शक्ती वंदन अधिनियम) अंमलबजावणीबाबत चर्चा करण्यासाठी काँग्रेसने १५ एप्रिल रोजी सर्व विरोधी पक्षांची विशेष बैठक बोलावली आहे. (Opposition Leaders Meets) केंद्र सरकार या महत्त्वाच्या विषयावर सर्वसमावेशक चर्चा करण्यास तयार नसल्याचा आरोप काँग्रेस अध्यक्ष मल्लिकार्जुन खर्गे यांनी सोमवारी येथे केला. पत्रकारांशी संवाद साधताना खर्गे म्हणाले की, महिला आरक्षणाला काँग्रेसचा पूर्ण पाठिंबा आहे, परंतु त्याच्या अंमलबजावणीचे राष्ट्रीय स्तरावर व्यापक परिणाम होणार असल्याने त्यापूर्वी सविस्तर चर्चेची गरज आहे. केंद्र सरकारने बोलावलेल्या बैठकीबाबत पंतप्रधान किंवा संसदीय कामकाज मंत्र्यांनी लिहिलेल्या पत्राला आपण आधीच उत्तर दिले असल्याचे त्यांनी स्पष्ट केले. Opposition Leaders Meets Opposition Leaders Meets : १५ एप्रिलला विरोधी पक्षांची महत्त्वाची बैठक; ‘या’ मोठ्या मुद्द्यावर करणार चर्चा सरकारने सर्व पक्षांना विश्वासात घेऊन चर्चा घडवून आणली असती तर आम्ही आमची मते मांडली असती, मात्र सरकारची तशी मानसिकता नसल्याने विरोधी पक्षांना एकत्र येऊन आपली रणनीती ठरवावी लागत आहे. Opposition Leaders Meets १५ एप्रिलच्या बैठकीत जो काही सामूहिक निर्णय होईल, तो सरकारला कळवला जाईल, असेही खर्गे यांनी नमूद केले. काँग्रेसने नेहमीच महिला आरक्षणाचे समर्थन केले आहे. सोनिया गांधी यांनी खूप वर्षांपूर्वी हा विषय लावून धरला होता, त्यामुळे आम्हाला यावर कोणी धडे देण्याची गरज नाही. पंचायत राज संस्था, जिल्हा परिषदा आणि महानगरपालिकांमध्ये काँग्रेसने आधीच महिलांना आरक्षण देऊन त्याची यशस्वी अंमलबजावणी करून दाखवली आहे. ‘नारी शक्ती वंदन अधिनियमा‘ला आम्ही संसदेत एकमताने पाठिंबा दिला आहे, मात्र आता सरकार या मुद्द्याचे केवळ राजकीय भांडवल करण्याचा प्रयत्न करत असल्याची टीका खर्गे यांनी केली. Opposition Leaders Meets संसदेचे अर्थसंकल्पीय अधिवेशन वाढवण्यात आले असून १६ ते १८ एप्रिल दरम्यान तीन दिवसांचे विशेष सत्र बोलावण्यात आले आहे. या सत्रात २०२९ पासून महिला आरक्षणाची अंमलबजावणी करण्यासाठी कायद्यात आवश्यक सुधारणा केल्या जाणार आहेत. या पार्श्वभूमीवर, विरोधी पक्षांची ही बैठक अत्यंत महत्त्वाची मानली जात असून, अंमलबजावणीच्या प्रक्रियेवर विरोधक काय भूमिका घेतात, याकडे आता सर्वांचे लक्ष लागले आहे.
