Weather Update : देशात कुठे पाऊस, कुठे दाट धुके? हवामान विभागाचा ताजा अंदाज काय?
Weather Update : नोव्हेंबरच्या अखेरीस देशभरातील हवामानात मोठे बदल होत असून थंडी, दाट धुके आणि पावसाचा तिहेरी संगम पाहायला मिळत आहे.

Weather Update : नोव्हेंबरच्या अखेरीस देशातील विविध भागांत हवामानात बदल पाहायला मिळत आहेत. काही राज्यांमध्ये पाऊस आणि मेघगर्जनेचा अंदाज आहे, तर उत्तर आणि पूर्व भारतातील काही भागांत दाट धुक्याचा इशारा देण्यात आला आहे. (Weather Update)
भारतीय हवामान विभागाच्या २२ नोव्हेंबरच्या ताज्या अंदाजानुसार, तामिळनाडूमध्ये २३ ते २७ नोव्हेंबरदरम्यान, तर केरळमध्ये २४ ते २६ नोव्हेंबरदरम्यान काही ठिकाणी मुसळधार पाऊस पडण्याची शक्यता आहे. (Weather Update)
उत्तर भारतात दाट धुक्याचा इशारा
हवामान विभागाने २२ आणि २३ नोव्हेंबरदरम्यान बिहार, पूर्व उत्तर प्रदेश, झारखंड आणि ओडिशातील काही भागांत दाट धुक्याची शक्यता व्यक्त केली आहे. तसेच २२ नोव्हेंबरला पंजाब, हरियाणा, चंदीगड आणि दिल्लीच्या काही भागांतही दाट धुके पडू शकते. त्रिपुरामध्ये २२ ते २४ नोव्हेंबरदरम्यान धुक्याची शक्यता आहे. (Weather Update)
पूर्व उत्तर प्रदेशात २२ आणि २३ नोव्हेंबरदरम्यान काही ठिकाणी हलका ते मध्यम पाऊस पडण्याचाही अंदाज आहे. (Weather Update)
ईशान्य भारतात पावसाची शक्यता
अरुणाचल प्रदेश, आसाम, मेघालय तसेच नागालँड, मणिपूर, मिझोराम आणि त्रिपुरा या राज्यांमध्ये २२ ते २४ नोव्हेंबरदरम्यान काही ठिकाणी पावसाची शक्यता आहे. २२ नोव्हेंबरला आसाम, मेघालय आणि ईशान्येकडील काही राज्यांत मुसळधार पाऊस पडण्याचा अंदाज हवामान विभागाने व्यक्त केला आहे. (Weather Update)
बिहार, झारखंड आणि पश्चिम बंगालच्या काही भागांतही २२ आणि २३ नोव्हेंबरदरम्यान पावसाची शक्यता आहे. अंदमान-निकोबार बेटांवरही या काळात पावसाचा अंदाज आहे. (Weather Update)
दक्षिण भारतात मुसळधार पावसाचा अंदाज
दक्षिण भारतातील तामिळनाडू, पुद्दुचेरी आणि कराईकल येथे २३ ते २७ नोव्हेंबरदरम्यान काही ठिकाणी मुसळधार पाऊस पडू शकतो. २४ ते २६ नोव्हेंबरदरम्यान या भागात पावसाचा जोर वाढण्याची शक्यता आहे. (Weather Update)
केरळ आणि माहे येथे २४ ते २६ नोव्हेंबरदरम्यान काही ठिकाणी मुसळधार पावसाचा अंदाज आहे. तामिळनाडू, पुद्दुचेरी आणि कराईकलमध्ये २३ ते २८ नोव्हेंबरदरम्यान मेघगर्जना, विजांचा कडकडाट आणि ताशी ४० ते ५० किलोमीटर वेगाने वारे वाहण्याची शक्यता आहे. काही झोतांचा वेग ताशी ६० किलोमीटरपर्यंत जाऊ शकतो. (Weather Update)
महाराष्ट्रात हवामान कसे राहणार?
महाराष्ट्राबाबत हवामान विभागाच्या २२ नोव्हेंबरच्या सायंकाळच्या बुलेटिनमध्ये पश्चिम आणि मध्य भारतात आठवडाभरात कोणताही विशेष हवामानाचा इशारा नसल्याचे नमूद करण्यात आले आहे. त्यामुळे राज्यात सध्या मोठ्या पावसाचा विशेष इशारा नाही. स्थानिक पातळीवरील हवामानात मात्र बदल होऊ शकतात. (Weather Update)
एकीकडे दक्षिण भारतात पावसाचा जोर वाढण्याची शक्यता आहे, तर उत्तर आणि पूर्व भारतातील काही भागांत धुक्यामुळे दृश्यमानता कमी होऊ शकते. त्यामुळे प्रवास करणाऱ्या नागरिकांनी स्थानिक हवामानाचा ताजा अंदाज तपासूनच नियोजन करावे. (Weather Update)
Weather Update : देशातील ११ राज्यांवर अवकाळी पावसाचे सावट; विजांच्या कडकडाटासह मुसळधार पावसाचा इशारा
Weather Update : बंगालच्या उपसागरात चक्रीवादळ! 18, 19, 20, 21 नोव्हेंबरला अतिवृष्टीचा इशारा





