Weather Update : देशातील ११ राज्यांवर अवकाळी पावसाचे सावट; विजांच्या कडकडाटासह मुसळधार पावसाचा इशारा
Weather Update : भारतीय हवामान विभागाने (IMD) २१ नोव्हेंबर रोजी जारी केलेल्या ताज्या अंदाजानुसार, आगामी काही दिवसांत देशातील ईशान्य आणि दक्षिण भारतातील विविध राज्यांमध्ये पावसाचा जोर वाढण्याची शक्यता वर्तवली आहे.

Weather Update : देशातील ईशान्य आणि दक्षिण भारतातील काही राज्यांमध्ये पुढील काही दिवस पावसाची शक्यता भारतीय हवामान विभागाने (IMD) वर्तवली आहे. अरुणाचल प्रदेश, आसाम, मेघालय, नागालँड, मणिपूर, मिझोराम आणि त्रिपुरा या ईशान्येकडील राज्यांसह तामिळनाडू, आंध्र प्रदेश आणि केरळमध्ये पावसाचा अंदाज आहे. पुद्दुचेरीमध्येही पावसाची शक्यता वर्तवण्यात आली आहे. काही भागांत मेघगर्जना, विजांचा कडकडाट आणि जोरदार वारे वाहू शकतात. (Weather Update)
ईशान्य भारतात मुसळधार पावसाची शक्यता
हवामान विभागाच्या २१ नोव्हेंबरच्या अंदाजानुसार, नागालँड, मणिपूर, मिझोराम आणि त्रिपुरा येथे २१ आणि २२ नोव्हेंबरदरम्यान अनेक ठिकाणी पाऊस पडण्याची शक्यता आहे. या राज्यांतील काही भागांत मुसळधार पावसाचा इशाराही देण्यात आला आहे. (Weather Update)
आसाम आणि मेघालयमध्येही २१ आणि २२ नोव्हेंबर रोजी काही ठिकाणी मुसळधार पाऊस, मेघगर्जना आणि विजांचा कडकडाट होऊ शकतो. अरुणाचल प्रदेश आणि आसाम-मेघालय परिसरात २४ नोव्हेंबरपर्यंत पावसाची शक्यता कायम आहे. (Weather Update)
दक्षिण भारतात पाऊस आणि वादळी वारे
तामिळनाडू, पुद्दुचेरी आणि कराईकलमध्ये २१ ते २३ नोव्हेंबरदरम्यान काही ठिकाणी पाऊस पडू शकतो. २४ आणि २५ नोव्हेंबरला या भागांत अधिक व्यापक पावसाचा अंदाज आहे. २३ ते २७ नोव्हेंबरदरम्यान काही ठिकाणी मेघगर्जना, विजांचा कडकडाट आणि ताशी ४० ते ५० किलोमीटर वेगाने वारे वाहण्याची शक्यता आहे. वाऱ्याचा वेग झोतांसह ताशी ६० किलोमीटरपर्यंत जाऊ शकतो. (Weather Update)
किनारपट्टीवरील आंध्र प्रदेश, यानम, रायलसीमा आणि केरळमध्येही २१ ते २७ नोव्हेंबरदरम्यान काही ठिकाणी पाऊस पडण्याचा अंदाज आहे. केरळमध्ये २४ ते २६ नोव्हेंबरदरम्यान काही ठिकाणी मुसळधार पावसाची शक्यता आहे. (Weather Update)
उत्तर प्रदेशात धुक्याची शक्यता
उत्तर प्रदेशमध्ये पावसापेक्षा धुक्याची स्थिती महत्त्वाची ठरणार आहे. पूर्व उत्तर प्रदेशात २२ आणि २३ नोव्हेंबर रोजी दाट धुके पडण्याची शक्यता आहे. सकाळच्या वेळी दृश्यमानता कमी होऊ शकते. त्यामुळे वाहनचालकांनी सावधगिरी बाळगण्याचा सल्ला देण्यात आला आहे. (Weather Update)
दिल्लीत अंशतः ढगाळ वातावरण
दिल्लीत आकाश अंशतः ढगाळ राहण्याची शक्यता आहे. सकाळच्या वेळी काही भागांत धुरके किंवा हलके धुके जाणवू शकते. कमाल तापमान २६ ते २८ अंश सेल्सिअस, तर किमान तापमान १२ ते १४ अंश सेल्सिअसच्या आसपास राहण्याचा अंदाज आहे. (Weather Update)
राजस्थानमध्ये कोरडे हवामान
राजस्थानमध्ये २२ नोव्हेंबर रोजी हवामान प्रामुख्याने कोरडे राहण्याची शक्यता आहे. राज्यात पाऊस किंवा वादळाबाबत विशेष इशारा देण्यात आलेला नाही. हिमाचल प्रदेशातही पाऊस किंवा बर्फवृष्टीबाबत या अंदाजात विशेष चेतावणी नमूद केलेली नाही. (Weather Update)
देशातील विविध भागांतील हवामानात बदल होत असल्याने नागरिकांनी प्रवासापूर्वी आपल्या जिल्ह्याचा ताजा हवामान अंदाज आणि हवामान विभागाचे अधिकृत इशारे तपासावेत. (Weather Update)





