Ram Gopal Yadav : भारताने पहलगाम येथे झालेल्या हल्ल्याला अॅापरेशन सिंदूर ही मोहिम राबवित पाकिस्तानला चोख प्रत्युत्तर दिले. भारताने पाकिस्तान येथील दहशतवादी तळांना लक्ष करत तिथे हवाई हल्ले करून अनेक दहशतवाद्यांचा खात्या केला. अॅापरेशन सिंदूर या मोहिमेबाबतची माहिती लेफ्टनंट सोफिया कुरेशी आणि विंग कमांडर व्योमिका सिंग यांनी माध्यमांना दिली.

यानंतर भाजपचे मध्यप्रदेशातील मंत्र्याने सोफिया यांच्याविषयी वादग्रस्त विधान केले होते. त्यामुळे त्यांच्यावर चौफर टीका करण्यात आली होती. अशातच आता समाजवादी पक्षाच्या एका राज्यसभेच्या खासदाराने विगं कमांडर व्योमिका सिंग यांच्याविषयी वादग्रस्त विधान करून थेट त्यांची जातच काढली आहे.

सौफिया कुरैशी मुस्लिम असल्याने त्यांना शिव्या देण्यात येत आहे, तर विंग कमांडर व्योमिका सिंग यांना राजपूत समजून काही बोलले जात नाही. मात्र, व्योमिका या राजपूत नाही त्या हरियाणातील जाटव चमार आहेत, असे समाजवादी पक्षाचे राज्यसभेचे खासदार रामगोपाल यादव म्हणाले आहेत.

रामगोपाल यादव पुढे म्हणाले, सैन्य लढत होते आणि भाजपचे मंत्री सोफिया कुरैशीला शिवीगाळ करत होते. पण व्योमिका सिंग कोन आहे हे माहीत नव्हते. एअर ऑपरेशनचे इंचार्ज एअर मार्शल अवधेश कुमार भारती यांच्या विषयी देखील माहिती नव्हते. नाहीतर यांना देखील शिव्या दिल्या असत्या, असे वादग्रस्त विधान केले आहे. त्यांच्या विधानानंतर त्यांच्यावर सर्व स्तरातून टीका करण्यात येत आहे.

व्योमिका सिंग हरियाणाची जाटव चामर आहे. तर एअर मार्शल भारती पूर्णियाचे यादव आहेत. एकीला मुस्लिम समजून शिव्या दिल्या तर एकीला राजपूत समजून दिल्या नाहीत. भारती यांच्या विषयी त्या लोकांना माहिती नव्हते. मात्र, पेपरमध्ये आल्या ते आता विचार करत बसले आहेत. त्यांची मानिसकताच खराब आहे. सैन्याचे यश सांगण्यापेक्षा हे आपलेच यश सांगत आहे, अशी टीका त्यांनी केली आहे.

भाजपवरही केली टीका 

दुष्टासोबत दुष्टासारखेच वागले पाहिजे. शस्त्रसंधी झाली तेव्हा पाकिस्तान थांबेल असे सगळ्यांना वाटत होते. रोज आंतकवाद्यांना मारले जात आहे. आंतकवादी पाकिस्तानामधून येत आहेत पण हे लोक तिरंगा यात्रा काढत असल्याचे भाजपचे नाव न घेता टीका केली आहे. हे सगळं निवडणुकीसाठी असल्याचे देखील रामगोपाल यादव म्हणाले आहेत.