पुणे पोलिसांनी दिलेल्या माहितीनुसार, साहिल डोंगरे यांचे अपहरण करून त्यांना २० ते २२ जणांनी मारहाण करून दिवे घाटात टाकून दिल्याची माध्यमांमध्ये बातमी आली होती. याप्रकरणी पोलिसांनी तपास केला असता साहिल डोंगरे हे सागर बार येथे रात्री १० वाजता त्यांचे मित्र अनिकेत मस्केसोबत दारू पिऊन बाहेर पडताना दिसत असल्याचे सीसीटीव्ही फुटेज पोलिसांना मिळाले.  सासवड अंमलदार यांना डायल १०८/११२ वरून कॅाल आला.

कॅाल करणाऱ्या व्यक्तीने एका व्यक्तीचा अपघात झाला असून तो बेशुद्ध असल्याचाबाबत पोलिसांना कळवले होते. त्यानंतर  ग्रामीण आरोग्य रुग्णालय सासवड येथील डायल १०८ ॲम्ब्युलन्स आली आणि जखमी साहिल डोंगरे यांना पुढील उपचारासाठी दुसऱ्या रुग्णालयात नेण्यात आले. त्यामुळे साहिल डोंगरे याचे अपहरण झाले नव्हते तर त्यांचा अपघात झाल्यामुळे त्यांच्या शरीरावर जखमा आढळून आल्या होत्या.