Sanjay Raut :  दिल्लीतील जंतर-मंतरवर सुरू असलेल्या सीजेपी आंदोलनाला शिवसेना ठाकरे गटाचे नेते खासदार संजय राऊत यांनी प्रत्यक्ष भेट देत पाठिंबा दर्शवला. आंदोलक विद्यार्थ्यांची भेट घेतल्यानंतर त्यांनी केंद्र सरकारवर जोरदार टीका केली.

“हे आंदोलन नरेंद्र मोदी आणि अमित शहा यांना चिरडता येणार नाही. ते पेटलेलं आहे. त्यात सरकारने आणखी तेल ओतण्याचा प्रयत्न केला, तर हे सरकारच जळून खाक होईल.” असा इशारा संजय राऊत यांनी दिला.

CJP protest: हिंसाचारानंतर दिल्ली पोलिसांचा मोठा निर्णय ; CJP आंदोलनप्रकरणी 5 गुन्हे दाखल

विद्यार्थ्यांना पाठिंबा   (Sanjay Raut)

राऊत यांनी आंदोलनात जखमी झालेल्या विद्यार्थ्यांची भेट घेतली. त्यांनी सांगितले की, शिवसेनाप्रमुख उद्धव ठाकरे यांनी पहिल्या दिवसापासून अभिजित दिपके आणि सोनम वांगचुक यांच्या आंदोलनाला राजकारणापलीकडे जाऊन पाठिंबा दिला आहे. मुंबईतील शिवाजी पार्कवरील तरुणांची रॅली, तसेच पुणे, नागपूर आणि देशभरात उभ्या राहत असलेल्या आंदोलनांच्या ठिणग्यांचा उल्लेख करत त्यांनी केंद्र सरकारवर निशाणा साधला.

“आम्ही तुरुंगाला घाबरत नाही”

“वेळ पडली तर आम्ही सगळे इथे येऊन बसू. आम्हाला तुरुंगात जाण्याचा अनुभव आहे. आम्ही तुरुंगाला घाबरत नाही, बंदुकीच्या गोळ्यांनाही घाबरत नाही.”

केंद्र सरकारवर कठोर टीका

दिल्लीतील आंदोलनादरम्यान झालेल्या कारवाईवर टीका करताना राऊत म्हणाले की, काल दिल्लीच्या रस्त्यांवर जो प्रकार घडला, तो हुकूमशाहीलाही लाजवणारा होता. पुढे त्यांनी केंद्र सरकारच्या कारभाराची तुलना हुकूमशाही पद्धतीशी करत, अशी घृणास्पद आणि अमानुष पद्धतीची सत्ता यापूर्वी पाहिली नाही; मला इदी अमीनची आठवण झाली. असे वक्तव्य केले.

संजय राऊत यांचे प्रमुख मुद्दे

• आंदोलन चिरडण्याचा प्रयत्न निष्फळ ठरेल
• सरकारने दडपशाही थांबवावी
• वेळ पडल्यास आम्हीही आंदोलनात बसू
• तुरुंग आणि कारवाईची भीती नाही
• दिल्लीतील पोलिस कारवाईवर तीव्र नाराजी

Jambut News: जांबूतमध्ये रस्ते रुंदीकरणाच्या संथ कारभारावर ग्रामस्थ आक्रमक; अल्टिमेटम देत दिला आंदोलनाचा इशारा