![\"CJP](\"https://axrmzc5ulsbu.compat.objectstorage.ap-hyderabad-1.oraclecloud.com/media.dainikprabhat.com/wp-content/uploads/2026/07/cjp-protest.jpg\")
Sanjay Raut : “सरकार पोरांना घाबरलेय, ५६ इंच वाल्यांची हातभार…”; संजय राऊतांचा मोदी सरकारवर हल्लाबोल
Sanjay Raut : जनपथ, राजीव चौक, पटेल चौक, सेंट्रल सेक्रेटरिएट आणि सेवा तीर्थ ही पाच महत्त्वाची मेट्रो स्थानके पुढील आदेशापर्यंत बंद
Sanjay Raut : दिल्लीच्या जंतरमंतरवर गेल्या काही दिवसांपासून कोकरोच जनता पार्टीच्या नेतृत्वाखाली नीट परीक्षेतील कथित गैरव्यवहारांच्या मुद्द्यावरून आंदोलन सुरू आहे. आज संसदेकडे कॉकरोच जनता पार्टीचे संस्थापक अभिजीत दिपके यांच्या नेतृत्वाखाली मोर्चा काढण्याची घोषणा करण्यात आल्याने राजधानीत तणावाचे वातावरण निर्माण झाले असून, सुरक्षा यंत्रणांनी परिसरात कडेकोट बंदोबस्त तैनात केला आहे. (Sanjay Raut)
अनेक मेट्रो स्टेशन्स बंद करण्यात आली आहेत. याशिवाय, परिसरात मोबाईल जॅमर्स बसवण्यात आल्याचा दावा आंदोलकांकडून करण्यात आला आहे. तर मोर्चा सुरु होताच आंदोलन कर्त्यांना हटवण्यासाठी पोलिसांनी लाठीचार्ज केल्याचे सांगण्यात येत आहे. जंतरमंतरवर संसदेचा मोर्चा सुरू झाल्यानंतर पोलिसांनी लाठीचार्ज केला. आंदोलक आणि आरपीएफ जवानांमध्ये झालेल्या संघर्षानंतर दिल्ली पोलिसांनी कारवाई केली आहे. यावर शिवसेना ठाकरे गटाचे खासदार संजय राऊत यांनी केंद्र सरकार आणि पंतप्रधान नरेंद्र मोदी यांच्यावर निशाणा साधला आहे. (Sanjay Raut)
सरकार पोरांना घाबरलेय!
शुद्ध मराठीत सांगायचे तर ५६ इंच वाल्यांची हातभार फाटलीय!
डरो मत!
संसदेवरील मार्चला परवानगी नाकारली;
शक्य असते तर जंतर मंतर वरील लाखो लोकांना ED लावली असती ;
पण ते कठीण आहे!
मोर्चा चा मार्ग ED च्या दिशेने वळवायला हवा!
Ed,सुप्रीम कोर्ट या सारख्या संस्था मोदी… https://t.co/XvIUVwQeRx— Sanjay Raut (@rautsanjay61) July 20, 2026
खासदार संजय राऊत यांनी आपल्या ‘एक्स’ अकाउंटवरून ट्विट करत केंद्र सरकारवर जोरदार प्रहार केला. त्यांनी आपल्या पोस्टमध्ये म्हटले आहे की, “सरकार पोरांना घाबरलेय! शुद्ध मराठीत सांगायचे तर 56 इंच वाल्यांची हातभर फाटलीय. डरो मत! संसदेवरील मार्चला परवानगी नाकारली, शक्य असते तर जंतर मंतरवरील लाखो लोकांना ED लावली असती. पण ते कठीण आहे. मोर्चाचा मार्ग ED च्या दिशेने वळवायला हवा. Ed, सुप्रीम कोर्ट या सारख्या संस्था मोदी, शाहांच्या गुलाम झाल्या आहेत,” अशी टीका त्यांनी केल आहे.
जंतरमंतरवर छावणीचे स्वरूप (Sanjay Raut)
कायदाव्यवस्थेच्या पार्श्वभूमीवर दिल्ली मेट्रो रेल कॉर्पोरेशनने जनपथ, राजीव चौक, पटेल चौक, सेंट्रल सेक्रेटरिएट आणि सेवा तीर्थ ही पाच महत्त्वाची मेट्रो स्थानके पुढील आदेशापर्यंत प्रवाशांसाठी बंद ठेवण्याचा निर्णय घेतला आहे. शिवाय, संपूर्ण परिसरात मोबाईल जॅमर्स बसवून इंटरनेट नेटवर्क ठप्प करण्यात आले आहे.
CJP Parliament March:
जंतरमंतर परिसरात दिल्ली पोलीस, रॅपिड ॲक्शन फोर्स (RAF) तसेच निमलष्करी दलाचे मोठे पथक तैनात करण्यात आले आहे. संभाव्य जमाव नियंत्रणासाठी घटनास्थळी वॉटर कॅनन आणि दंगल नियंत्रणासाठी वापरली जाणारी ‘वज्र’ वाहनेही सज्ज ठेवण्यात आली आहेत. आंदोलकांच्या म्हणण्यानुसार, परिसरातील काही सीसीटीव्ही कॅमेरे बंद करण्यात आले असून, काही ठिकाणचे बॅरिकेड्सही हटवण्यात आले आहेत.
दरम्यान, यापूर्वी आंदोलनादरम्यान 20 दिवस आमरण उपोषण केलेले पर्यावरण अभ्यासक सोनम वांगचूक यांना रविवारी पोलिसांनी ताब्यात घेत सफदरजंग रुग्णालयात दाखल केले. त्यानंतर अभिजीत दिपके आणि त्यांच्या सहकाऱ्यांनी उपोषण सुरू केले आहे. त्यामुळे जंतरमंतरवरील आंदोलनाबाबत पुढील काही तास महत्त्वाचे ठरणार असल्याचे बोलले जात आहे.
हेही वाचा:
Fatty Liver: यकृताची काळजी का महत्त्वाची? डॉक्टर सांगतात फॅटी लिव्हर टाळण्याचे सोपे मार्ग
