Tukaram Mundhe : राज्याच्या अन्न व औषध प्रशासन (FDA) विभागाचे आयुक्त म्हणून धडाकेबाज कारवाया करणारे आयएएस अधिकारी तुकाराम मुंढे यांच्याकडे आता आणखी एक महत्त्वाची जबाबदारी सोपवण्यात आली आहे. (Tukaram Mundhe)

आर्थिक अडचणीत सापडलेल्या मुंबईतील प्रसिद्ध हाफकिन बायो-फार्मास्युटिकल कॉर्पोरेशनला पुन्हा उभारी देण्यासाठी त्यांच्याकडे संस्थेचा अतिरिक्त कार्यभार देण्याची घोषणा अन्न व औषध प्रशासन मंत्री नरहरी झिरवाळ यांनी विधानसभेत केली. (Tukaram Mundhe)

गेल्या महिनाभरात तुकाराम मुंढे यांनी FDA आयुक्त म्हणून राज्यभरात भेसळ, गुटखा, पानमसाला आणि औषधांवरील अवैध व्यवहारांविरोधात मोठ्या प्रमाणावर कारवाया केल्या. त्यांच्या या कामगिरीची चर्चा सुरू असतानाच सरकारने त्यांच्यावर आणखी एक महत्त्वाची जबाबदारी सोपवण्याचा निर्णय घेतला आहे. (Tukaram Mundhe)

Tukaram Mundhe : तुकाराम मुंढेंची विधानभवनात एंट्री अन् मोठा निर्णय; नरहरी झिरवळांनी दिले महत्त्वाचे निर्देश, नेमकं प्रकरण काय?

विधानसभेत हाफकिन संस्थेच्या आर्थिक स्थितीचा मुद्दा उपस्थित झाल्यानंतर मंत्री नरहरी झिरवाळ यांनी स्पष्ट केले की, हाफकिन संस्थेची जागा विकली जाणार नाही आणि संस्थेचे खासगीकरणही केले जाणार नाही. तसेच डॉ. रघुनाथ माशेलकर समितीचा अहवालही सभागृहात सादर केला जाईल, अशी माहिती त्यांनी दिली.

या चर्चेदरम्यान आमदार ज्योती गायकवाड, विजय वडेट्टीवार, अमिन पटेल, योगेश सागर, अजय चौधरी, रईस शेख, अस्लम शेख, विश्वजीत कदम, विकास ठाकरे, प्रशांत ठाकूर, सुनील राऊत आणि अतुल भातखळकर यांनी हाफकिन संस्थेच्या पुनरुज्जीवनाचा मुद्दा उपस्थित केला.

दरम्यान, विधानसभा अध्यक्ष राहुल नार्वेकर यांनी अशा नियुक्त्यांचे अधिकार सरकारकडे असल्याचे स्पष्ट करत, कोणत्या संस्थेवर कोणत्या अधिकाऱ्याची नियुक्ती करायची याबाबत सभागृहाने निर्देश देऊ नयेत, असे सांगितले. (Tukaram Mundhe)

यानंतर मंत्री नरहरी झिरवाळ यांनी अधिकृत घोषणा करत तुकाराम मुंढे यांच्याकडे हाफकिन संस्थेचा अतिरिक्त कार्यभार सोपवण्यात येणार असून, त्यांच्या नेतृत्वाखाली संस्थेला पुन्हा पूर्ववैभव मिळवून देण्यासाठी सरकार प्रयत्न करणार असल्याचे सभागृहात जाहीर केले. (Tukaram Mundhe)

Tukaram Mundhe : “सार्वजनिक आरोग्याशी तडजोड केल्यास कठोर कारवाई होणार”; तुकाराम मुंढे यांचा थेट इशारा