Maharashtra Government : राज्यातील शाळांच्या ५०० मीटर परिसरामध्ये आता ‘स्टिंग’ या एनर्जी ड्रिंकच्या विक्रीवर कायदेशीर बंदी घालण्यात आली आहे. सध्या सुरू असलेल्या पावसाळी अधिवेशनादरम्यान भाजपचे आमदार विक्रम पाचपुते आणि राहुल कुल यांनी या पेयाच्या दुष्परिणामांबाबत विधानसभेत प्रश्न उपस्थित केला होता. (Maharashtra Government)

यावर अन्न व औषध प्रशासन मंत्री नरहरी झिरवळ यांनी शाळा परिसरात स्टिंग एनर्जी ड्रिंकसह अंमली पदार्थांच्या विक्रीवर तातडीने बंदी घालण्याचे महत्त्वपूर्ण निर्देश दिले. (Maharashtra Government)

आमदार विक्रम पाचपुते यांनी सभागृहात सांगितले की, या ड्रिंकमध्ये कॅफेन आणि साखरेचे प्रमाण प्रचंड असून ते लहान मुलांच्या आरोग्यासाठी दारूपेक्षाही घातक ठरत आहे. (Maharashtra Government)

या पेयाच्या बाटलीवरच ‘लहान मुले व गरोदर महिलांसाठी हे योग्य नाही’ असे लिहिलेले असतानाही त्याची सर्रास विक्री होत होती. याशिवाय, शाळा परिसरात फ्लेवर मिल्क, भेसळयुक्त दूध आणि उर्जा देण्याच्या नावाखाली विकल्या जाणाऱ्या पेयांची चौकशी सुरू असल्याची माहिती मंत्र्यांनी दिली. (Maharashtra Government)

या गंभीर विषयावरील चर्चेदरम्यान अन्न व औषध प्रशासनाचे आयुक्त तुकाराम मुंढे विधानभवनात उपस्थित होते. २५ मे रोजी पदभार स्वीकारल्यापासून मुंढे यांच्या नेतृत्वाखाली एफडीए अत्यंत आक्रमक झाली आहे. राज्यभरात गुटखा, पानमसाला सिंडिकेट आणि भेसळखोरांवर धडक मोहिमा सुरू आहेत. (Maharashtra Government)

याच मोहिमेअंतर्गत अन्न सुरक्षा नियमांचे उल्लंघन केल्याप्रकाने मुंबईतील आदित्य बिर्ला समूहाच्या हॉटेलसह ६ नामांकित हॉटेल्स, रेस्टॉरंट्स आणि बेकऱ्यांचे परवाने निलंबित करण्यात आले आहेत. (Maharashtra Government)

नरिमन पॉईंट येथील ‘फ्लिंट अँड वार्सा’ आणि बोरीवलीतील एका बेकरीवर अस्वच्छता व नियमांचे उल्लंघन केल्यामुळे कठोर कारवाई करण्यात आली आहे. भ्रष्टाचाराच्या आरोपांमुळे चर्चेत असलेल्या एफडीए विभागात तुकाराम मुंढे यांच्या एन्ट्रीमुळे आता बेकायदेशीर कृत्यांवर मोठी जरब बसली आहे. (Maharashtra Government)

Ring Road Blasting: रिंगरोड ब्लास्टिंगने गाव हादरलं! घरांना तडे, दगड उडाल्याने ग्रामस्थ आक्रमक; प्रांताधिकाऱ्यांची घटनास्थळी धाव

Devendra Fadnavis : माझे पंख छाटणारा कोणी जन्माला आला नाही; ठाकरेंच्या ‘ऑपरेशन देवेंद्र’वर फडणवीसांची सडकून टीका