Muralidhar Mohol : केंद्रीय राज्यमंत्री आणि पुण्याचे खासदार मुरलीधर मोहोळ यांनी तळेगाव दाभाडे नगरपरिषदेच्या डॉ. केशव बळीराम हेडगेवार या इमारतीचे उद्घाटनाच्या कार्यक्रमातील भाषणात मोठा गौप्यस्फोट केला आहे. मोहोळ यांना राष्ट्रवादी काँग्रेसमध्ये येण्यासाठी अॅाफर मिळाली होती. मावळचे आमदार सुनील शेळके यांनी राष्ट्रवादीत येण्याची अॅाफर दिली होती, असे सांगत २०१९ चा किस्सा या कार्यक्रमात मोहोळ यांनी सांगितला.

शेळकेंनी मुरलीधर मोहोळ यांना फोन करून…. 

२०१९ ची विधानसभा निवडणूक अनेक अर्थांनी चर्चेतली निवडणूक राहिलेली होती. या निवडणुकीत मावळचे सध्याचे आमदार सुनील शेळके यांना भाजपमधून उमेदवारी दिली जाणार असल्याचे बोलले जात होते. पण त्यांना उमेदवारी मिळाली नाही. त्यानंतर त्यांनी राष्ट्रवादी काँग्रेस पक्षात प्रवेश केला आणि त्यांना उमेदवारी मिळाली. त्यावेळी शेळकेंनी मुरलीधर मोहोळ यांना फोन करून याबाबत सांगितले. माझं भाजपमधून तिकीट कट झालं आहे, मला राष्ट्रवादीतून तिकीट दिले आहे, तुझं पण तिकीट कट झालं आहे.

आमदार सुनील शेळके यांनी मुरलीधर मोहोळ यांना राष्ट्रवादीत येणाची ऑफर दिली होती. कोथरूडमध्ये चंद्रकांत पाटील आलेत, तू माझ्याबरोबर चल, असं शेळकेंनी मोहोळांना सांगितले. पण मोहोळांनी शेळकेंना सांगितले की, मी दिल्या घरी सुखी आहे. तू पण राष्ट्रवादी काँग्रेसमध्ये जाऊ नकोस, यावर शेळके म्हणाले, आता मी परतीच्या दोर कापले आहेत, असा किस्सा केंद्रीय राज्यमंत्री मुरलीधर मोहोळ यांनी सांगितला. तो त्या पक्षात गेला त्याचं भल झालं, मी माझ्या पक्षात राहिलो माझंही भल झालं, कारण आमची मैत्री अशी आहे, अशी आठवण सांगायला मोहोळ विसरले नाहीत.

हेही वाचा : “अफगाणिस्तानशी युद्धविराम तोपर्यंतच …” ; पाकिस्तानच्या परराष्ट्र मंत्र्याचा नापाक हेतू उघड