Sanjay Raut : आज काँग्रेस नेते आणि खासदार राहुल गांधी यांचा पुण्यात ‘छात्रो की गुंज’ हा कार्यक्रम होमार आहे. या कार्यक्रमाच्या माध्यमातून ते विद्यार्थिनींसोबत संवाद साधणार आहेत. या कार्यक्रमाची जय्यत तयारी करण्यात आली असून, या कार्यक्रमाअगोदर ठाकरे गटाचे नेते आणि खासदार संजय राऊत यांनी एक मोठं वक्तव्य केले आहे.

“राहुल गांधी जेव्हापासून राजकारणात आले, तेव्हापासून मी त्यांचा समर्थक आहे. राहुल गांधी या देशाचा नेता आहे, हे सांगणारा मी पहिला माणूस आहे. तेव्हा लोक मला वेड्यात काढत होते, राहुल गांधींना पप्पू म्हणत होते. तेव्हा हा देशाचा नेता आहे, देशाचं नेतृत्व करेल मी सांगत होतो.” असे वक्तव्य संजय राऊत यांनी केले आहे.

भाजपवर निशाणा 

या कार्यक्रमाच्या पार्श्वभूमीवर संजय राऊत यांनी भाजपवर जोरदार निशाणा साधला आहे. ते म्हणाले “राहुल गांधी या देशाचे नेते आहेत. जर ते एबीवीपीला मान्य नसेल, मोदी-शाह मानतं नसले, तरी भविष्यामध्ये संसदेत राहुल गांधींसमोर या नेत्यांना विरोधी पक्षात बसावं लागणार आहे, याची त्यांनी मानसिक तयारी करुन ठेवावी.”

पुण्यात अमित शाह येतात अन्य नेते येतात. त्याच्यासाठी अशा अटी टाकल्या जातात का? राऊतांचा सवाल 

राहुल गांधी यांच्या पुण्यात होत असलेल्या कार्यक्रमासाठी पुणे पोलिसांनी विविध अटी घातल्या आहेत. यावरुन संजय राऊतांनी काही सवाल उपस्थित करत संतप्त प्रतिक्रिया दिली. ते म्हणाले “पुणे पोलिसांनी त्यांना ३० अटी टाकलेल्या आहेत. विरोधी पक्ष नेते आहेत ते, राहुल गांधी परदेशातून आलेत का? राहुल गांधी या देशाचे नागरिक नाहीयत का? पुण्यात अमित शाह येतात अन्य नेते येतात. त्याच्यासाठी अशा अटी टाकल्या जातात का? असे सवाल संजय राऊतांनी उपस्थित केले.

कार्यक्रमाच्या आदल्या दिवशी जोरदार राडा 

सीओईपी तंत्रज्ञान विद्यापीठ परिसरात काँग्रेस-एनएसयूआय आणि अखिल भारतीय विद्यार्थी परिषदेच्या कार्यकर्त्यांमध्ये जोरदार घोषणाबाजी आणि धक्काबुक्की केल्याची माहिती समोर आली आहे. दोन्ही गटातील मोठ्या वादानंतर शिवाजीनगर पोलीस ठाण्यात काँग्रेस कार्यकर्त्यांविरोधात गुन्हा दाखल करण्यात आला आहे. अभाविपच्या तक्रारीनंतर पोलिसांनी ही कारवाई केली.

धमकवल्याचा युवक काँग्रेसचा आरोप

राहुल गांधी यांच्या कार्यक्रमाला उपस्थित राहू नये, यासाठी COEP परिसरातील तरुणांना अभाविपच्या काही कार्यकर्त्यांकडून धमकावण्यात आल्याचा आरोप युवक काँग्रेसने केला आहे. या प्रकरणी काँग्रेसच्या बड्या नेत्यांनी गंभीर आरोप केले असून या प्रकरणाचा पुढील तपास पोलीस करत आहेत.

Iran on USA: “असह्य वेदना…” ; होर्मुझवरील ट्रम्प यांच्या ताज्या दाव्याला इराणचे प्रत्युत्तर