Lalit Modi big statement on IPL 2008 : आयपीएलचे माजी अध्यक्ष ललित मोदी यांनी आयपीएलच्या प्रसारण हक्कांबाबत एक धक्कादायक खुलासा केला आहे. आयपीएल 2008 च्या पहिल्या सामन्याच्या प्रसारणासाठी त्यांनी सर्व नियम धाब्यावर बसवले होते, असे त्यांनी सांगितले. केकेआर आणि आरसीबी यांच्यातील हा पहिला सामना होता. यावेळी आयपीएलचे प्रसारण हक्क सोनीकडे होते, परंतु मोदी यांनी सर्व नियम बाजूला ठेवून हा सामना सर्व न्यूज चॅनेल्स आणि जगभरातील क्रीडा चॅनेल्ससाठी विनामूल्य उपलब्ध करून दिला होता. ललित मोदी काय म्हणाले – सध्या युनायटेड किंगडममध्ये निर्वासित जीवन जगणारे ललित मोदी पहिल्या सामन्याच्या प्रेक्षकसंख्येबाबत चिंतेत होते. त्यांनी सोनीचे विशेष प्रसारण हक्क रद्द करण्याचा निर्णय घेतला, कारण त्यांच्या मते, सोनीचा रिच पुरेसा नव्हता. मायकेल क्लार्कच्या पॉडकास्टमध्ये बोलताना मोदी म्हणाले, “सर्व काही त्या एका सामन्यावर अवलंबून होते. मी त्या दिवशी प्रत्येक नियम मोडला. सोनीसोबत विशेष करार होता, पण त्यांचा रिच पुरेसा नव्हता. मी सांगितलं, सिग्नल ओपन करा. तो सामना सर्वत्र उपलब्ध झाला. मी सर्व प्रसारकांना आणि बोली हरलेल्या चॅनेल्सना सांगितलं, जा, लाइव्ह जा!” मला पहिला सामना सर्वांनी पाहावा असं वाटत होतं – ललित मोदी पुढे म्हणाले, “सोनी म्हणाले, ‘मी तुमच्यावर खटला दाखल करेन.’ मी म्हणालो, ‘नंतर करा, आता विसरा. आम्ही लाइव्ह करत आहोत, कारण तुमचा रिच पुरेसा नाही.’ मला पहिला सामना सर्वांनी पाहावा असं वाटत होतं. तो फ्लॉप झाला असता, तर आयपीएल संपलं असतं.” समकालीन माध्यम अहवालांमध्ये या दाव्यांचा तपशील नाही, परंतु आयपीएल सोनी आणि तत्कालीन बीसीसीआय बोर्ड सदस्य असलेल्या मोदींसाठी प्रचंड यशस्वी ठरलं. हेही वाचा – IPL 2026 Ticket : नव्या GST स्लॅबमुळे क्रिकेटप्रेमींच्या खिशाला कात्री, आयपीएलमध्ये आता एवढ्याला मिळणार तिकीट कायदेशीर लढाईत रूपांतर – मात्र, बीसीसीआआय आणि ललित मोदी यांच्यातील संबंध नंतर वादग्रस्त झाले आणि कायदेशीर लढाईत रूपांतरित झाले. मार्च 2009 मध्ये, बीसीसीआयने करारभंगाचा हवाला देत सोनी एंटरटेनमेंट टेलिव्हिजन आणि वर्ल्ड स्पोर्ट्स ग्रुपसोबतचा प्रसारण करार रद्द केला. मोदी यांनी नंतर नवीन व्यवस्थेची बोलणी केली, ज्याअंतर्गत सोनीने 2017 पर्यंतचे मीडिया हक्क सुमारे 1.63 अब्ज अमेरिकी डॉलर्स (अंदाजे 8,200 कोटी रुपये) मध्ये पुन्हा मिळवले. हेही वाचा – Asia Cup 2025 : आशिया कपसाठी यूएईचा दमदार संघ जाहीर, दोन गेमचेंजर खेळाडूंनी केले पुनरागमन! या कराराचा भाग म्हणून, वर्ल्ड स्पोर्ट्स ग्रुपला त्यांचे दावे सोडण्यासाठी 425 कोटी रुपयांचे सुविधा शुल्क मिळाले. या पेमेंटने अधिकाऱ्यांचे लक्ष वेधले, कारण बीसीसीआयने आरोप केला की मोदी यांनी करारात बदल करून आणि डब्ल्यूएसजीला प्राधान्य देऊन आपल्या अधिकारांचा गैरवापर केला. या प्रकरणाची अंमलबजावणी संचालनालयाने चौकशी केली आणि हा मुद्दा मोदी यांच्याविरुद्धच्या कायदेशीर कारवाईचा भाग बनला. करारातील बदल आणि डब्ल्यूएसजीला पक्षपात केल्याचे आरोप हे सध्या मोदी यांच्यावरील प्रमुख आरोपांचा महत्त्वाचा भाग आहेत.
