Sudhir Mungantiwar : मंत्रिमंडळात मला संधी मिळाली नाही म्हणून मी नाराज नाही. विधानसभा निवडणुकीत विजयी झालेल्या नवीन आमदारांना मंत्रीमंडळात संधी देण्यात येते. त्यानुसार नवीन आमदारांना संधी देण्यात आली आहे. मला मंत्रीपद मिळाले नाही, म्हणून मी नाराज नाही. मी गेली अनेक वर्ष भाजपचे काम करत आहे आणि करतच राहणार , असं माजी मंत्री आमदार सुधीर मुनगंटीवार म्हणाले.

काय म्हणाले सुधीर मुनगंटीवार?

सुधीर मुनगंटीवार म्हणाले की, मी मुख्यमंत्री पदाची दावेदारी केलेली नाही. तसेच मला मंत्रीमंडळात संधी मिळाली नाही म्हणून मी नाराज असण्याचे कारण नाही. कारण मुख्यमंत्री देवेंद्र फडणवीस हे चाणाक्ष राजकारणी आहेत. ते नव्या दमाच्या चेहऱ्यांना संधी देतात. त्यांच्यावर जवाबदारी सोपवून सक्षम नेतृत्व पुढे आणली जातात, असं मुनगंटीवार म्हणाले. Sudhir Mungantiwar |

पुढे बोलतांना म्हणाले, अर्थमंत्री अजित पवार यांच्याकडून एकनाथ शिंदे गटाच्या फायली अडवल्या जातात. अशी तक्रार काँग्रेसच्या नेत्यांकडून शिंदे यांनी केंद्रीय गृहमंत्री अमित शहा यांच्याकडे केली असल्याची चर्चा होत आहे. याबाबत विचारले असता मुनगंटीवार म्हणाले की, फायली अडविल्या जात असतील तर शिंदे यांनी याबाबत उपमुख्यमंत्री अजित पवार यांना विचारले असते, असंही सुधीर मुनगंटीवार म्हणाले.

मुनगंटीवार म्हणाले की, अजित पवार यांना तुम्ही बोलणार आहात का, असे विचारण्यात आलेले होते, तसेच कार्यक्रमाची वेळ पाहून पवार यांनी नकार दिला होता. त्यामुळे अजित पवार यांना डावलण्यात येत आहे, असे म्हणणे चुकीचे असल्याचे सांगितले. दरम्यान, नमामी चंद्रभागा नदीचे काम सुरु करण्यात येईल. येथे येणाऱ्या भाविकांना स्वच्छ पाण्यात स्नान करता यावे, ही आमची भुमिका आहे. येथील कार्यतत्पर आमदार समाधान आवताडे आणि मी स्वतः याबाबत येत्या अधिवेशनात प्रश्न लावून धरणार असल्याचे मुनगंटीवार यांनी यावेळी सांगीतले.