गुजरात आणि हिमाचल प्रदेश विधासभा निवडणूकांचे निकाल आता जवळजवळ निश्चित होताना दिसत आहेत. गुजरातमध्ये भाजप मोठी आकडेवारी मिळवत विजय मिळवण्याच्या वाटेवर आहे. तर दुसरीकडे काँग्रेसला गुजरात निवडणुकीत पूर्णपणे अपयश आल्याचे दिसत आहे. त्याचबरोबर याठिकाणी आप मोठ्या ताकदीने मैदानात उतरली होती. मात्र त्यांना फक्त ५ जागांवर आघाडी घेता आलेली आहे. काँग्रेसला गुजरातेतल्या जनतेने नाकारले असून त्यांना १६ जागांवरच आघाडी आहे. तर दुसरीकडे भाजप १५७ जागांवर विजयी दिशेने वाटचाल करत आहे. दरम्यान, राज्याचे उपमुख्यमंत्री देवेंद्र फडणवीस यांनी गुजरात निकालाबाबत प्रतिक्रिया दिली आहे.

“गुजरातेत ‘आप’मुळेच काँग्रेसला मोठा फटका बसलाय”, अजित पवार यांची प्रतिक्रिया!

“आम आदमी पक्ष दिल्लीपुरता आहे हे पुन्हा एकदा सिद्ध झालं आहे. गुजरातचा विकास फक्त भाजपाच करु शकतो हेदेखील सिद्ध झालं आहे. प्रचारासाठी गेलो होतो तेव्हाच गुजरातचा मूड दिसत होता. प्रत्येक ठिकाणी मोदींच्या नावे घोषणा दिल्या जात होत्या”, अशी उपमुख्यमंत्री देवेंद्र फडणवीस यांनी दिली आहे.