Nilesh Chavan : वैष्णवी हगवणे मृत्यू प्रकरणामुळे राज्यात संतापाची लाट उसळली आहे. या प्रकरणातील आरोपींना कठोर शिक्षेची मागणी जोर धरू लागली आहे. या प्रकरणात अनेक धक्कादायक खुलासे समोर येत असून प्रकरणाने आता वेगळे वळण मिळाले आहे. वैष्णवीची जाऊ मयुरी हिने दिलेल्या माहितीनुसार निलेश चव्हाण भाडणांमध्ये असायचा असे तिने सांगितले होते.

वैष्णवीचे आई-वडील निलेश चव्हानकडे तिचे बाळ घेण्यासाठी गेले होते. त्यावेळी निलेशने त्यांना बुंदुकीचा धाक दाखवून धमकी दिली होती. अखेर या प्रकरणी त्याच्यावर गुन्हा दाखल करण्यात आला आहे.  मात्र, अद्यापर्यंत त्याला अटक झाली नसून पोलिस त्याचा शोध घेत आहेत. अशातच निलेश चव्हाणचे काळे कारनामे उघड झाले आहेत.

निलेश चव्हाण देखील आपल्या पत्नीचा छळ करत होता. तसेच तिचे आक्षेपार्ह व्हिडिओ काढत असल्याची माहिती समोर आली आहे. पोलिसांना निलेशच्या लॅपटॅापमध्ये काही आक्षेपार्ह व्हिडिओ मिळाले असल्याची माहिती आहे. त्याच्या मागावर दोन पोलिसांची पथके रवाना करण्यात आली आहेत. निलेश चव्हाणचा भाऊ आणि वडिलांची पोलिसांकसून कसून चौकशी करण्यात येत आहे.

पत्नीचा करायचा अमानुष छळ

निलेश चव्हाण स्वतःच्या पत्नीचे आक्षेपार्ह व्हिडिओ काढत होता. २०१९ मध्ये निलेशच्या बेडरुमध्ये सिलिंग फॅनमध्ये छुपा कॅमेरा व्हिडिओ काढण्यासाठी बसवला होता. फेब्रुवारी २०१९ मध्ये त्याच्या पत्नीला छुपा कॅमेरा बसविल्याचे समजले. यानंतर पत्नीने निलेशला जाब विचारला त्यावेळी त्याने उडवाउडवीची उत्तरे दिली. त्यानंतर तिने त्याच्या लॅपटॅामध्ये अनेक आक्षेपार्ह व्हिडिओ सापडले.

निलेशच्या पत्नीने त्याला याचा पुन्हा जाब विचारल्यानंतर तिला चाकू दाखवून त्याने धमकावलं आणि तिचा गळा दाबला. निलेशच्या पत्नीने निलेशच्या आई वडिलांकडे तक्रार केली? यानंतर याचा राग मनात धरू निलेश पत्नीचा अमानुष छळ करायचा. या प्रकरणी त्याच्यावर गुन्हा दाखल झाला होता. पुणे सत्र न्यायालयाने त्याचा अटकपूर्व जामीन फेटाळला होता. मात्र, त्यानंतर मुंबई उच्च न्यायालयाने त्याला अटकपूर्व जामीन दिला.