Bharat Jadhav : हिंदी आणि मराठी चित्रपटसृष्टीतील ज्येष्ठ अभिनेते नाना पाटेकर यांच्या निधनाच्या बातमीने सर्वांनाच मोठा धक्का बसला. त्यांच्या जाण्याने मनोरंजन विश्वात शोककळा पसरली असून, अनेक कलाकारांनी सोशल मीडियाच्या माध्यमातून त्यांच्याविषयीच्या भावना व्यक्त केल्या. नानांसोबत काम केलेल्या अनेक कलाकारांनी त्यांच्या आठवणींना उजाळा दिला आहे. अशातच अभिनेता भरत जाधव याने एका मुलाखतीत नाना पाटेकर यांच्याशी संबंधित एक खास प्रसंग सांगितला.

चित्रपटसृष्टीत काम करताना कलाकारांना अनेकदा कठीण परिस्थितीचा सामना करावा लागतो. कधी मानसिक तणाव, तर कधी आर्थिक अडचणींमुळे त्यांचा संघर्ष अधिक वाढतो. अशाच एका कठीण काळातून भरत जाधव जात असताना नाना पाटेकर यांनी त्यांची आपुलकीने विचारपूस केली होती.

भरत जाधव यांनी नुकत्याच दिलेल्या मुलाखतीत या प्रसंगाची आठवण सांगितली. आयुष्यात अडचणींचा सामना करत असताना अचानक नाना पाटेकर यांचा फोन आला. भरत जाधव त्या फोनविषयी सांगितला म्हणाला “अरे भरत कसा आहेस तू? नाही मी मस्त आहे.. नाही अरे तू टेन्शनमध्ये आहेस असं कळालं? मी म्हटलं नाही. नाही मला कळलंय.. हे बघ काही टेन्शन घेऊ नकोस आणि काहीही लागलं आर्थिकपण मला सांग. पण तू टेन्शन घेऊन काम करु नकोस.”

भरत जाधव पुढे म्हणाला “अरे बापरे म्हणजे… मी नव्हतोच तेव्हा टेन्शनमध्ये… मला माहिती आहे १९ २० गोष्टी असतात. पण मला ना खूप बरं वाटलं की त्या व्यक्तीने मला विचारले. मैत्री म्हणतो ना आपण ती मैत्री अशी असते. ह्या लोकांनाही कुठे ना कुठे आपल्याला नॉक केल्यामुळे काय होतं की कोणीतरी आपल्याकडे बघतोय. आपल्याला तो अजून प्रोत्साहन देतोय. नकळत प्रोत्साहन मिळतं ना. आणि ह्या ज्या गोष्टी येतात ना त्यामुळे अजून सकारात्मक होतो.”

नाना पाटकेरांचं ८ अॅाक्टोबर या दिवशी गोव्यातील त्यांच्या घरी हृदयविकाराच्या तीव्र झटक्याने निधन झाले. ते ७५ वर्षांचे होते. घटनेच्या दिवशी त्यांना मध्यरात्री अडीच वाजण्याच्या सुमारास अस्वस्थ वाटू लागले होते. त्यानंतर त्यांनी मित्राला मेसेज करून याची माहिती दिली होती. मात्र, मित्राने नानांचा मेसेज पाहिला नाही. पहाटे ५ वाजण्याच्या सुमारास त्यांच्या घरी डॅाक्टरांचे पथक पोहचले. डॉक्टरांनी सुमारे ४५ मिनिटे प्रयत्न केले. परंतु, त्यांनी कोणताही प्रतिसाद दिला नाही आणि त्यांना मृत घोषित करण्यात आले.

Sheikh Hasina: तारिक रहमान भारत दौऱ्यावर न आल्याने शेख हसीना नाराज? ; भारत-बांगलादेश संबंधांबाबत काय म्हणाल्या?