Hemant Soren । झारखंडचे मुख्यमंत्री हेमंत सोरेन यांनी आज विधानसभेत विश्वासदर्शक ठराव जिंकला. विश्वासदर्शक ठरावाच्या बाजूने ४५ मते पडली, तर विरोधात शून्य मते पडली. मतदानादरम्यान भाजप आमदारांनी विधानसभेतून सभात्याग केला होता. मतदानापूर्वी विश्वासदर्शक ठरावावरील चर्चेला उत्तर देताना हेमंत सोरेन यांनी भाजपवर जोरदार निशाणा साधला. त्यांनी केंद्रीय संस्थांचा गैरवापर केल्याचा यावेळी आरोप केला.

हेमंत सोरेन यांच्या भाषणादरम्यान भाजप आमदारांनी गोंधळ घातला. हेमंत सोरेन म्हणाले, “त्यांच्याकडे ना विचार आहे ना अजेंडा. त्यांच्याकडे केंद्रीय संस्था आहेत. निम्मे आमदारही एकत्र आले तर मोठी गोष्ट होईल. लोकसभा निवडणुकीत आपला चेहरा दाखवला, आता राज्याच्या निवडणुका उरल्या आहेत. महाआघाडीसोबत एकत्र लढली जाईल आणि त्यातही त्यांना आरसा दाखवला जाईल. त्यांचे हे कारस्थान काही चालणार नाही.” असे त्यांनी म्हटले.

भाजपवर हल्ला Hemant Soren ।

सोरेन म्हणाले, “मी कायदेशीर प्रक्रियेतून इथपर्यंत पोहचलोय मग मला या भूमिकेत पाहून विरोधकांना कसं वाटतंय ते त्यांच्या वागण्यातून दिसून येतं. ते केवळ राजकीय फायदा उठवण्याचा प्रयत्न करत आहेत.” असेही त्यांनी यावेळी म्हटले.

चंपाई सोरेनचा उल्लेख Hemant Soren ।

पुढे ते म्हणाले, “मी चंपाई सोरेन यांचे आभार मानू इच्छितो, ज्यांनी निर्भयपणे सरकार चालवले आणि सरकारला वाचवले.” हे लोक (भाजप) घोडे-व्यापार करत होते.असे म्हणत त्यांनी चंपाईन सोरेन यांचे आभार मानले.

कथित जमीन घोटाळ्याशी संबंधित मनी लाँड्रिंग प्रकरणात हेमंत सोरेन यांना 28 जून रोजी झारखंड उच्च न्यायालयाकडून जामीन मिळाला होता. यानंतर ते तुरुंगातून बाहेर आले.हेमंत सोरेन यांना ईडीने 31 जानेवारी रोजी अटक केली होती. ईडीच्या कोठडीत असताना त्यांनी मुख्यमंत्री पदाचा राजीनामा दिला होता. यानंतर चंपाई सोरेन मुख्यमंत्री झाल्या. झारखंडच्या 81 सदस्यीय विधानसभेत सध्या 76 आमदार आहेत. हेमंत सोरेन यांनी 3 जुलै रोजी सरकार स्थापन करण्याचा दावा केला होता, त्यानंतर सत्ताधारी JMM-काँग्रेस-RJD आघाडीने 44 आमदारांची समर्थन यादी राज्यपालांना सादर केली.