Maharashtra Rain News – भारतीय हवामान विभागाने उद्या महाराष्ट्रात मुसळधार पावसाचा इशारा दिला आहे. विशेषतः मुंबई, ठाणे, पालघर, रायगड, रत्नागिरी, सिंधुदुर्ग, तसेच पुणे-घाट, सातारा, कोल्हापूर आणि मराठवाडा व विदर्भ याठिकाणी सावधगिरी बाळगण्याचे आवाहन करण्यात आले आहे.

विदर्भ विभागात नागपूर, अमरावती, चंद्रपूर, यवतमाळ साठी उद्या मुसळधार पावसाचा इशारा देण्यात आला आहे. आजच्या अंदाजानुसार विदर्भात ढगाळ वातावरण राहील, तर सकाळी काही ठिकाणी विजांसह मध्यम ते जोरदार पावसाची शक्यता आहे. हवामान विभागाने येत्या दोन दिवसांसाठी अलर्ट जारी केलेले नाही.

मात्र, अंदाजानुसार थंड वारा, विजांचा कडकडाट आणि ढगाळ वातावरण राहील. काही भागात, विशेषतः नागपूर आणि चंद्रपूर मध्ये, एक-दोन ठिकाणी विजांचा कडकडाटासह पावसाची शक्यता वर्तवण्यात आली आहे. शेतकरी वर्गासाठी हा पाऊस फायदेशीर असू शकतो, पण मुसळधार स्वरूपात पडल्यास शेत तंत्र आणि सिंचन व्यवस्थेत अडथळे येऊ शकतात. तसेच, नागपूरसारख्या शहरांमध्ये वाहतूक विस्कळीत होण्याची शक्यता आहे.

हवामान विभागाच्या अंदाजानुसार, मराठवाड्यामध्ये उद्या हलका ते मध्यम स्वरुपात पावसाचा अंदाज आहे. आज सकाळपासूनच वातावरण क्लाउडी राहील आणि दुपारी काही ठिकाणी मुसळधार पावसाचा अंदाज आहे. तर उद्या ढगाळ वातावरण व विजांसह मध्यम स्वरातील पाऊस अपेक्षित आहे.

ज्यामुळे हवामानातील थंडावा वाढेल किंवा दमट वातावरण निर्माण होऊ शकते. तर 25 जून रोजी ढगाळ वातावरण कायम राहून गरजेपुरता हलकी पाऊस पडण्याची शक्यता आहे. हलक्या स्वरातील पावसामुळे खरीप पिकांसाठी व सिंचनासाठी अनुकूल परिस्थिती निर्माण होईल.

कोकणासाठी मुसळधार पावसाचा इशारा
कोकण विभागात विशेषतः रायगड, रत्नागिरी, सिंधुदुर्ग, पालघर आणि ठाणे जिल्ह्यांमध्ये आजपासून पुढील 3–4 दिवस मुसळधार पावसाचा इशारा दिला गेला आहे. आज सकाळपासूनच ढगाळ वातावरण असून, संध्याकाळनंतर काही भागांत ताशी 30–50 किमी वेगाने वारे, विजांचा कडकडाट आणि मुसळधार पाऊस पडण्याची शक्यता आहे.

तसेच कोकण किनारपट्टी आणि घाट परिसरात ऑरेंज अलर्ट लागू करण्यात आला आहे. मुसळधार पावसामुळे नद्या, नाले दुथडी भरून वाहण्याची शक्यता. दोन दिवसात पावसाचा जोर कमी होण्याची शक्यता असली तरी, काही भागांत जोरदार सरी पडतील, अशी शक्यता हवामान विभागाने व्यक्त केली आहे.