Harsh Dubey Replaces Washington Sundar Injured IND vs ENG 3rd ODI Lords : भारत आणि इंग्लंड यांच्यातील एकदिवसीय (ODI) मालिकेतील तिसरा आणि निर्णायक सामना रविवारी, १९ जुलै रोजी लॉर्ड्सवर खेळवला जाणार आहे. सध्या ही मालिका १-१ अशा चुरशीच्या बरोबरीत आहे. या अंतिम सामन्यापूर्वी भारतीय संघात एक मोठा बदल करण्यात आला आहे. दुखापतीमुळे मालिकेबाहेर गेलेल्या स्टार ऑलराउंडर वॉशिंग्टन सुंदरच्या जागी निवड समितीने युवा अष्टपैलू खेळाडू हर्ष दुबे (Harsh Dubey) याचा भारतीय संघात समावेश केला आहे.

बीसीसीआयने सुंदरच्या दुखापतीबाबत काय म्हटलं?

बीसीसीआयने (BCCI) अधिकृत मीडिया ॲडव्हायझरी जारी करत सांगितले की, कार्डिफ येथे खेळल्या गेलेल्या दुसऱ्या एकदिवसीय सामन्यादरम्यान वॉशिंग्टन सुंदरच्या उजव्या पायाच्या गंभीर दुखापत झाली होती. त्यामुळे त्याला उर्वरित सामन्यांमधून बाहेर व्हावे लागले आहे. सुंदरच्या दुखापतीची सखोल तपासणी केली जाणार असून पुढील उपचारासाठी तो तज्ज्ञांचा सल्ला घेणार आहे. पहिल्या सामन्यात अक्षर पटेलसोबत १०२ धावांची मॅचविनर भागीदारी करत नाबाद ५२ धावा ठोकणारा सुंदर बाहेर होणे भारतासाठी मोठा फटका आहे.

कोण आहे हर्ष दुबे? काय आहे त्याची कामगिरी?

🚨 News 🚨

Harsh Dubey added to #TeamIndia‘s ODI squad as a replacement for injured Washington Sundar.

More Details 🔽 | #ENGvINDhttps://t.co/Y6LgzTJAyS

— BCCI (@BCCI) July 18, 2026

सुंदरची जागा घेणारा हर्ष दुबे हा एक उत्कृष्ट ऑलराउंडर आहे, जो फलंदाजी आणि गोलंदाजी या दोन्ही आघाड्यांवर सामना फिरवण्याची ताकद ठेवतो. हर्षने नुकतेच जून २०२६ मध्ये अफगाणिस्तानविरुद्धच्या मालिकेत आपले आंतरराष्ट्रीय एकदिवसीय पदार्पण केले होते. त्याने आतापर्यंत भारतासाठी २ वनडे सामने खेळले असून त्यात ४ विकेट्स घेतल्या आहेत. मात्र, या दोन्ही सामन्यांत त्याला फलंदाजीची संधी मिळाली नव्हती. आता लॉर्ड्सवर त्याला थेट प्लेइंग इलेव्हनमध्ये स्थान मिळते की नाही, याकडे सर्वांचे लक्ष आहे.

हेही वाचा – England Squad Changes : लॉर्ड्स महामुकाबल्यापूर्वी इंग्लंडचा मोठा निर्णय! टीममधील ‘या’ २ मॅचविनर खेळाडूंना तातडीने केलं रिलीज

तिसऱ्या वनडेसाठी भारताचा संघ (Updated Squad): शुबमन गिल (कर्णधार), रोहित शर्मा, विराट कोहली, श्रेयस अय्यर (उपकर्णधार), केएल राहुल (विकेटकीपर), इशान किशन (विकेटकीपर), अक्षर पटेल, शिवम दुबे, कुलदीप यादव, जसप्रीत बुमराह, प्रसिध कृष्णा, अर्शदीप सिंह, गुरनूर ब्रार, प्रिन्स यादव, हर्ष दुबे.